Sport

Sivasspor – Ballkani, forma e dy skuadrave para ndeshjes së sotme në “Eylul Stadium”

Sivasspor – Ballkani, forma e dy skuadrave para ndeshjes së sotme në “Eylul Stadium”
09:24 | 06 Tetor 2022

Ballkani do ta zhvillojë sot ndeshjen e radhës në fazën e grupeve të Ligës së Konferencës, raporton FrontOnline.

Skuadra nga Suhareka do të përballet me Sivassporin në kuadër të grupit G.

Ndeshja në fjalë është e vlefshme për rrethin e tretë dhe luhet në “Eylul Stadium” nga ora 18:45.

Ballkani tashmë ka zhvilluar dy ndeshje në këtë garë duke regjistruar një barazim dhe një humbje.

Sa i përket formës së të dyja skuadrave, Sivasspori në pesë ndeshjet e fundit ka dy humbje, dy barazime dhe një fitore.

Kurse, Ballkani ka tri fitore dhe dy humbje, derisa kjo do të jetë përballja e tyre e parë mes vete.

Dje (e mërkure), djelmoshat e Ilir Dajës udhëtuan drejt Turqisë, teksa zhvilluan një stërvitje dhe një konferencë për shtyp.

Duke parë formën e dobët të Sivassporit këtë edicion, mysafirët nga Kosova synojnë sonte rezultat pozitiv në Sivas./FrontOnline/

Prince Caffe shpërblen për festa Fitoren me veturë Fiat 500

Të tjera