×
  • Lajme
  • Lajme

    Sindikata e Telekomit ka një kërkesë për Hotin

    FrontOnline
    24 Shtator 2020

    Sindikata Profesionale e Telekomit të Kosovës – SPP, ka reaguar edhe njëherë për gjendjen e vështirë në Telekomin e Kosovës.

    Kjo sindikatë i ka kërkuar kryeministrit Hoti që t`i qëndroj pas premtimeve të tij për ndihmë ndaj Telekomit, raporton Front Online

    Reagim i plotë:

    I nderuar Kryeminister Hoti,
    I nderuar ministër Kuçi.

    Për t’ua bërë me dije edhe një herë, si formë e alarmit të fundit, për gjendjen e vështirë në Telekomin e Kosovës, më duhet t’iu drejtohem më këtë shkresë për të kërkuar që të qëndroni prapa premtimeve dhe zotimeve publike, që nuk ishin të pakta, për ta përkrahur në çdo formë të mundshme kompaninë tonë.

    Është për t’u habitur kjo heshtje e Aksionarit, e sidomos tani kur gjendja është tejet e rënduar brenda kompanisë, si pasojë e tërheqjes së mjeteve nga llogaritë e Telekomit nga Z Mobile, si dhe në të njëjtën kohë nga pandemia, që, siç dihet, ka bërë efekte negative sikur në të gjithë sektorët tjerë.

    Po ua përkujtoj që gjatë kohës së protestave të punëtorëve të Telekomit, edhe ju si kryeminëstërministër, edhe ministri Kuçi, kishit kërkuar që të shpërndahen protestuesit, duke premtuar një zgjidhje të shpejtë që ka të bëjë direkt me mbështetje financiare, të domosdoshme për ta shpëtuar nga falimentimi kompaninë. Poashtu janë edhe disa takime të tjera mes Telekomit të Kosovës dhe Aksionarit ku prapë nuk kanë munguar zotimet dhe premtimet për t’i dalë në ndihmë kompanisë sonë, zotime dhe premtime këto, që për fat të keq, deri më sot, nuk rezultuan të jenë as të përmbushura dhe as serioze.

    Derisa gjendja është e rëndë, Telekomi është i përkushtuar dhe po bën të pamundurën, që të sigurojë vetëekzistëncën e saj, por në të njëjtën kohë, kompania ende i ekspozohet një rreziku potencial për bllokim të sërishëm të llogarive bankare.

    Kërkojmë nga ju si Aksionar, që ashtu siç jeni zotuar, që të paktën të ndërhyjni në procesin ende të hapur me Z Mobile, në mënyrë që të mos përsëritet situata e njëjtë e bllokimit të llogarive të Telekomit, ku mund të provokojë një gjendje që nuk mund t’i dihet epilogu.

    I nderuar Kryeministër Hoti,
    I nderuar ministër Kuçi,

    Zotimi juaj publik se Telekomi si ndërmarrje me interes strategjik do ta ketë mbështetjen e Qeverisë së Kosovës, si Aksionar i saj, deri më sot vazhdon të mbetet vetëm premtim, ndërkohë që kompania më shumë se kurrë, ka nevojë në mënyrë emergjente për veprime konkrete dhe jo për fjalë e premtime.

    Nëse vihet deri te një situatë që s’do ta dëshironim asnjëri nga ne, barra e përgjegjësisë morale dhe legale, bie direkt mbi ju të dy.

    Sindikata Profesionale e Telekomit të Kosovës – SPP eshte e përkushtuar që të mbrojë të drejtat e punëtorëve në çdo forme ligjore duke i bërë thirrje Menaxhmentit dhe Bordit të Telekomit të Kosovës që të jenë më këmbëngulës në kërkesat e tyre legjtiime në adresë të Aksionarit.

    Muhamet Xhemajli
    Kryetar i Sindikates -SPP

    Nga Rubrika
    Lajme13 Mars 2025
    Nënkryetarja e PDK-së, Vlora Çitaku, ka shpërndarë në Facebook-un e saj postimin e kryeministrit shqiptar Edi Rama, i cili publikoi foton e...
    Lajme13 Mars 2025
    Kryeministri i Shqipërisë, ka publikuar fotografinë e ish-presidentit të Kosovës, Hashim Thaçi, i cili sot qëndroi në Kosovë për të vizituar babain...
    Lajme13 Mars 2025
    Ish-Presidenti i Kosovës Hashim Thaçi ishte sot për një vizitë të shkurtër në Qendrën Klinike Universitare, aty ku babai i tij (Haxhi...
    Të tjera
    Lajme13 Mars 2025
    Prishtinë- Për shkak se mbrojtja e të akuzuarve nuk ishte pajisur me të gjitha shkresat e lëndës, është ndëprerë seanca fillestare të...
    Vip13 Mars 2025
    Me siguri këtë nuk e prisnit! Kelly dhe Egli Tako bashkojnë forcat për një projekt të ri muzikor. “Ti” mban titullin bashkëpunimi...
    Lajme13 Mars 2025
    Dogana e Kosovës ka konfiskuar 1 mijë e 108 goma, të cilat një kompani emri i së cilës nuk është bërë i...
    Bota/Rajoni13 Mars 2025
    Komisionerja e Bashkimit europian për Zgjerimin Marta Kos, tha sot në Tiranë se Shqipëria ka ecur vërtet shumë mirë në rrugëtimin drejt...
    Lajme13 Mars 2025
    Doktori i cili sot përjetoi një moment paksa tensionues gjatë vizitës së ish-presidentit Hashim Thaçi në Klinikën Interne të QKUK-së, është hematologu,...
    Sport13 Mars 2025
    Wayne Rooney mendon se ish-skuadra e tij, Manchester United, duket e humbur dhe e frikësuar në fushë, duke shtuar se dhjetë deri në pesëmbëdhjetë lojtarë duhet...
    -->

    FrontOnline, © 2025 Të gjitha të drejtat e rezervuara.