×
  • Lajme
  • Lajme

    Si iu ankua Vuçiq amerikanëve dhe Trumpit nëpërmjet gjeneralit të pensionuar amerikan

    FrontOnline
    04 Shtator 2020

    Në takim kokë-më-kokë mes një gjenerali të pensionuar të ushtrisë amerikane dhe presidentit serb, Aleksandër Vuçiq, dëshmoi se cfarë kursi ndjek Serbia, kur vjen puna te negociatat me Kosovën.

    Vitin e kaluar, gjenerallejtënanti i pensionuar amerikan, Ben Hodges, që ka qenë komandant i forcave amerikane në Evropë, ka marrë një kërkesë interesante nga autoritetet serbe; ftohej që ta takonte presidentin serb, shkruan BIRN, transmeton Gazeta Express.Hodges, që pranoi kërkesën e Vuçiqit, e kishte të paqartë pse presidenti serbi deshi ta takonte atë. Për këtë e kishte pyetur një bashkëbisedues serb, e përgjigja ishte “Vuçiq nuk ka askënd për të folur”.

    Ish-komandanti priste takim zyrtar me Vuçiqin e deri diku edhe një ceremoni, por ndodhi e kundërta. Presidenti serb e kishte organizuar një takim të mbyllur, vetëm mes atyre të dyve dhe madje nuk ishte mbajtur as proces verbal. Takimi ndodhi në mesin e majit.

    Hodges ka shkuar në Beograd vetëm pak ditë pasi presidenti amerikan, Donald Trump, e priti në Shtëpinë e Bardhë kryeministrin hungarez, Viktor Orban. Vuçiq e kishte përcjell këtë ngjarje, e i ka thënë ish-gjeneralit amerikan “pa marrë parasysh se cka mendon për Presidentin Trump, kjo është një gjë shumë e madhe për krejt rajonin, që një kryeministër i një shteti të vogël si Hungaria, ta ketë mundësinë ta takojë presidentin amerikan”.

    Sipas Vuçiqit, ai takim ishte shenjë e mirë që SHBA’ja interesohet për Ballkanin.

    Vuçiq i ka thënë Hodges-it se ndihet në presion nga të gjitha anët për cështjen e Kosovës. Sipas ish-komandantit amerikan, Vuçiqit i duhet t’ia demonstrojë popullit serb se si negociatat me Kosovën për normalizim do të kërkojnë “një sakrificë” nga ana e Serbisë.

    “Nuk është negociatë nëse nuk humb diçka, kështu që duhet të kesh diçka për të dëshmuar pse je dorëzuar. Kështu që, ideja e Perëndimit për integrim është shumë e rëndëishme”, komenton Hodges.

    Ai thekson se Vuçiq është i zënë ngushtë nga presioni brenda dhe jashtë Serbisë në lidhje me dialogun me Kosovën.

    “Nga vitiza kuptova që ai [Vuçiq] është qartas nën presion të madh nga Kremlini, Kisha Ortodokse Serbe, organizatat e veteranëve dhe të tjerët…”, ka thënë Hodges.

    Sic Vuçiq i ka thënë ish-komandantit, ai e admiron Trumpin, me të cilin i kanë shtrënguar duart rreth katër herë. Me Trumpit, Vuçiqi mund ta bëjë diferencën prej SHBA’së, pasi ai nuk është përfshirë në politikat e viteve të ’90-ta, të cilat cuan në bombardimin e Serbisë dhe njohjen e Kosovës nga SHBA’ja, në vitin 2008.

    Vuçiq ka brengë zbrazjen e Serbisë nga të rinjtë, prandaj dëshiron marrëveshje ekonomike, që do ta ngrisnin shtetin ekonomikisht.

    Richard Grenell, emisar i Trumpit për dialogun Kosovë – Serbi, i ka parë këto apetetite të Vuçiqit dhe dëshiron t’ia servojë atë që presidenti serb do, në këmbim të normalizimit të raporteve mes Kosovës dhe Serbisë.

    Nga Rubrika
    Lajme13 Maj 2025
    Para pak minutash, dyshohet se janë dëgjuar të shtëna me armë në rrugën “Muharrem Fejza” në Prishtinë. Bazuar në informacionet e para,...
    Lajme12 Maj 2025
    Ministri në detyrë i Punëve të Brendshme, Xhelal Sveçla, ka bërë të ditur se në platformën e-Kosova janë lansuar edhe dy shërbime...
    Lajme12 Maj 2025
    Nesër në Kosovë pritet të mbajë mot me intervale kohore me diell dhe vranësira lokale. Rrallë në disa zona mund të ketë...
    Të tjera
    Lajme12 Maj 2025
    Ministrja në detyrë e Ekonomisë, Artane Rizvanolli, ka reaguar ashpër ndaj idesë së ndarjes së 50 milionë eurove për subvencionimin e bizneseve...
    Bota/Rajoni12 Maj 2025
    Sipas të dhënave të Zyrës Federale të Statistikave (BFS), një në tri gra në Zvicër ka lindur me prerje cezariane gjatë vitit...
    Lajme12 Maj 2025
    Pas publikimit të përgjimeve tronditëse në “Debat Plus”, ku protagonist ishte Hysri Selimi i arrestuar për spiunazh, televizioni Dukagjini ka vijuar hulumtimet,...
    Lajme12 Maj 2025
    Një ekip i ekspertëve të Bashkimit Evropian pritet të vijnë në Kosovë për të bërë matje, testime dhe inspektime të urës së...
    Lajme12 Maj 2025
    Gjendja e Klinikës së Pediatrisë në Qendrën Klinike Universitare të Kosovës është tejet rëndë. Një lexuesit për Klankosova.tv, ka dërguar videon duke...
    Lajme12 Maj 2025
    Presidentja, Vjosa Osmani po qëndron në Vjenë për vizitë zyrtare. Osmani ka pranuar sot “Çmimin për Evropën” nga Fondacioni Pan-Evropian Richard Coudenhove-Kalergi....
    -->

    FrontOnline, © 2025 Të gjitha të drejtat e rezervuara.