Selfie është bërë një mënyrë jashtëzakonisht e popullarizuar për njerëzit që të bëjnë fotografi gjatë pushimeve.
Megjithatë, në disa destinacione të njohura turistike në New York, Mbretërinë e Bashkuar, Francë, Spanjë dhe të tjera, kanë vendosur rregulla për të parandaluar vizitorët të bëjnë selfie.
Në vijim janë shtatë nga lokacionet ku është e ndaluar të bëni selfie:
Pavarësisht se ku ndodheni në New York, është e ndaluar të bëni fotografi me kafshë, si luanët, tigrat dhe disa kafshë tjera. Ky ligj u miratua në vitin 2014 dhe kufizon ndërveprimin midis publikut dhe kafshëve për të parandaluar lëndimin ose vdekjen.
Në Shtëpinë e Stolive në Kullën e Londrës, vizitorët mund t’i shohin stolitë e çmuara, të cilat ruhen nga rojet e armatosura. Megjithatë, ato janë vetëm për vëzhgim, pasi fotografimi në përgjithësi nuk lejohet në këtë lokacion.
Në vitin 2014, plazhet Garoupe në Francë i ndaluan vizitorët të bënin selfie gjatë verës. Ata deklaruan se donin t’i pengonin njerëzit të mburreshin për pushimet e tyre. Ata punësuan gjithashtu policinë në plazhet e tyre për të siguruar që të mos bëhen selfie.
Pasi disa njerëz bënë dhe postuan selfie në mediat sociale duke kryer detyra fetare në Mekë, autoritetet saudite ndaluan fotografimin në dy vendet e shenjta. Fotografitë janë të ndaluara në Xhaminë e Shenjtë në Mekë dhe në xhaminë e Profetit në Medine.
Selfiet janë të ndaluara në këtë event, i cili mbahet në Pamplona të Spanjës, për të mos lejuar që njerëzit të vënë në rrezik jetën e tyre për një fotografi. Nëse thyeni rregullin, mund të përjashtoheni nga gara, të paguani një gjobë prej 3.400 euro ose madje të përfundoni në burg.
Në vitin 2015, Kompania Hekurudhore e Japonisë Perëndimore prezantoi një ligj që ndalonte selfiet me shkop. Arsyeja që ata deklaruan ishte se donin të mbronin vizitorët nga goditja e kabllove të sipërme që mund të shkaktonin goditje elektrike dhe të binin në shina.
Edhe pse për shumë njerëz është i kuptueshëm mosafrimi me kafshët e egra, Liqeni Tahoe i Kalifornisë duhej të miratonte një ligj që ndalonte selfiet me arinjtë për t’i mbrojtur njerëzit nga lëndimi potencial apo vdekja.
