Heqja e karantinës nga ana e Zvicrës para një jave, duket se i ka gëzuar më së shumti bashkatdhetarët nga Kosova.

Ata ia kanë mësyer ditëve të fundit vendlindjes. Derisa uikendin që shkoi u shënuan dhjetëra fluturime drejt Prishtinës, sot po vërehet një fluks i madh i veturave.

Në foton që e ka dërguar një bashkatdhetar për Mediafokus.info, shihet kolona e gjatë e veturave në pritje për të hyrë në pikën kufitare, Dheu i Bardhë.

Nga foto, duket se qindra bashkatdhetarë do të hyjnë në Kosovë, derisa pjesa më e madhe janë nga Anamorava, përkatësisht Gjilani.

Vetëm në Zvicër, llogaritet se jetojnë 32 për qind e bashkatdhetarëve me prejardhje nga Gjilani.