Administrata Amerikane e Ushqimit dhe Barnave (FDA) miratoi një ilaç për dobësim nga kompania amerikane Eli Lilly, duke e lejuar atë të hyjë në tregun fitimprurës që ka rrëmbyer entuziazmin e Wall Street këtë vit. FDA ka miratuar tirzepatide për shitje me emrin Zepbound për të rriturit me një indeks të masës trupore (BMI) prej të paktën 30 ose 27 nëse pacienti ka edhe një problem tjetër shëndetësor të lidhur me peshën, si sëmundjet e zemrës.

“Obeziteti dhe mbipesha janë kushte serioze që mund të lidhen me disa nga shkaqet kryesore të vdekjes si sëmundjet e zemrës, goditjet në tru dhe diabeti”, tha në një deklaratë John Sharretts, drejtor i Qendrës për Kërkimin dhe Vlerësimin e Barnave në FDA. Tirzepatid tashmë është miratuar me emrin tregtar Mounjaro për diabetin e tipit 2 dhe është përdorur gjithnjë e më shumë për humbje peshe përpara miratimit zyrtar nga Administrata e Ushqimit dhe Barnave./FrontOnline/