Kandidati për deputet nga radhët e Partisë Demokratike të Kosovës, Ferat Shala përmes një statusi në profilin e tij në rrjetin social Facebook, ka treguar të gjitha masat e PDK-së për t’i mbështetur të punësuarit në sektorin privat dhe publik.

Shala, ka renditur të gjitha pikat duke treguar se sa do të jetë paga minimale, po ashtu ka treguar që do të rritet edhe numri i inspektorëve e masa të tjera.

Postimi i tij i plotë:

Masat për t’i mbështetur të punësuarit në sektorin privat dhe publik:

1. a) Paga minimale do të rritet nga 170 euro, sa është tani në 300 euro.
2. b) Në marrëveshje me partnerët socialë, legjislacioni i punës me theks të veçantë ligji i punës i cili do të rishqyrtohet në mënyrë që të krijojë një kornizë ligjore cilësore për inkurajimin e aktiviteteve sipërmarrëse, të zvogëlojë barrën administrative të punës dhe të sigurojë kushte dinjitoze të punës me mbrojtje maksimale të të punësuarve dhe punëdhënësve.
3. c) Do të rritet numri i Inspektorëve të Punës, i cili numër do të jetë i mjaftueshëm për mbikëqyrjen e zbatimit të ligjit të punës dhe mbrojtjen e të drejtave të punësuarve.
4. d) Me qëllim të rritjes së pagave në sektorin privat, dhe të ardhurave të disponueshme të punësuarve për një standard më të lartë të qytetarëve tanë, do të angazhohemi që për kompanitë të cilat rritin pagat për të punësuarit e tyre në mbi 500 euro në muaj, Tatimi mbi të Ardhurat e Korporatës të jetë nga 10% sa është aktualisht, në 5% në qeverinë tonë.
5. e) Do të rriten pagat ekzistuese në mesatare prej 30% për të gjithë zyrtarët në sektorin publik, përmes rregullimit të ligjit për paga. Do të rregullohen kualifikimet adekuate të pozitës së punës sipas përvojës dhe kualifikimeve profesionale.

#Rimëkëmbje #PDK #HoxhajKryeministër/FrontOnline/

https://www.facebook.com/FeratShalaOfficial/posts/2928239887451494