Mësimi në shkolla për gjysmëvjetorin e dytë pritet të fillojë me 18 janar ashtu siç është paraparë, raporton Front Online.
Këtë e ka bërë të ditur ministri në detyrë, Ramë Likaj gjatë ditës.
Por si duket edhe Sindikata e Bashkuar e Bashkuar e Arsimit, Teknologjisë dhe Kulturës (SBAShK) ka rënë dakord për këtë gjë.
“Edhe Këshilli Drejtues i SBAShK-ut në mbledhje ne djeshme ka analizuar të gjithë situatën dhe ka vendosur që mësimi do të vazhdoj më 18 janar, perioda e dytë”, ka thënë Jashari për Front Online .
Mirëpo sipas kryetarit të saj, Rrahman Jashari, nuk janë zbrapsur nga kërkesa për nënshkrimin e kontratës kolektive dhe shtesën prej 100 euro për punëtorët e arsimit, për rrezikimin e shëndetit në punë nga Covid-19.
“Por ne jemi në pritje dhe jemi duke komunikuar dhe këshilli drejtues ka autorizuar kryesinë dhe kryetarin, dh ene mbesim te dy kërkesat e tona dhe opsioni i grevës ka mbetur i hapur. Ne jemi në pritje që ministri Likaj ta tregoj vullnetin e mirë dhe ta nënshkruaj kontratën kolektive… jemi të sigurt që do ta nënshkruaj”, ka thënë ai për Front Online.
Ndonëse nuk vendosin afate për t’u realizuar kërkesat e tyre, Jashari shprehet i bindur se nëse nuk realizohet kërkesa, viti shkollorë do të fillojë me probleme.
“Këshilli Drejtues nuk ka vendosur afat të prerë duke i dhënë hapësirë dialogut” , ka thënë Jashari për Front Online.
Ditëve të fundit SBAShK-u “kërcënonte” se nëse nuk përfillen kërkesat e tyre atëherë do ta bojkotojnë procesin mësimorë./Front Online/