Nënkryetarja e Kuvendit të Kosovës nga radhët e Vetëvendosjes, Arbërie Nagavci ka thënë se nga kjo parti mirëpresin operacionin e mbrëmshëm të Policisë në fshatin Karaçevë të Kamenicës.
Nagavci ka shkruar se aksione të tilla, rezultatet konkrete në luftimin e krimit e korrupsionit duhet të jenë të vazhdueshme e të natyrshme, mirëpo sipas saj ky operacion i Policisë, nuk e zëvendëson obligimin e ministrit të punëve të brendshme, Agim Veliu, të mbajë të informuar Kuvendin për secilën çështje që është me interes.
Për këtë çështje, Nagavci ka thënë se Kuvendi duhet të miratojë Rezolutën e propozuar nga Vetëvendosje.
