Anëtari i Kryesisë së LDK, Anton Quni, nuk preferon që të komentohet propozimi i kryetarit të partisë, Isa Mustafa, për të shkarkuar Vjosa Osmanin nga posti i nënkryetares.
Ai për klankosova.tv tha se janë në proces të votimit dhe qëndrimin e tij për këtë ngjarje të madhe në partinë e tyre do të bëjë më vonë.
“Ne jemi në proces të votimit nuk është mirë që të komentoj para tij”, tha shkurt Quni.
Quni s’kishte votuar Avdullah Hotin si kandidat për kryeministër në mbledhjen e Kryesisë. Por, për këtë ai ishte kundër mënyrës së votimit me vetëm një kandidat.
