×
  • Bota/Rajoni
  • Bota/Rajoni

    Publikohen përgjime të reja për Mickoskin

    FrontOnline
    27 Qershor 2020

    Sërish publikohen bomba. Në kanalin “Reket 2” në “Jutjub” janë publikuar biseda të incizuara ku dëgjohet duke folur lideri i VMRO-DPMNE-së, Hristijan Mickoski me Zoran Milevski – Kiçeec nga rasti “Reket” dhe Sllobodanka Aleksovska, ish-drejtoresha në Agjencisë për punësim.

    “Bombat” supozohet se janë incizuar gjatë takimeve për arritjen e konsensusit për fatin e “bombave” dhe të PPS-së. Mickoski dëgjohet se si në takime ka kërkuar që të t’i jepet fund lëndës “Perandoria” ku i dyshuar kryesor është Orce Kamçev denoncuesi i rastit “Reket”. Mickoski flet për ndihmën që Kamçev ia ka dhënë për të shlyer borxhet e udhëheqësisë paraprake të partisë.

    “Ne, Zoki u morëm vesh që të takohemi gjatë kësaj periudhe. Nuk arrita të takohem me të, me zgjedhjet filluam, por e anuluam, ai diçka kishte vorrime apo ku di çfarë dhe sërish unë e anulova dhe kështu diçka, nuk arritëm të takohemi, të tregoj kështu, në mënyrë objektive. Personalisht dua ta shoh, sepse më ka ndihmuar, sepse ishte borxhli i motrës së tij nga paraardhësit e mi, e di ti ke qenë i pranishëm në atë bisedë kur tha “Nuk duhet asgjë”. Tash, mua, para një viti e gjysmë kur hyra në parti nuk kisha rrymë, ishte shkyçur rrjeti kabllovik”, tha Hristijan Mickoski, lider i VMRO-DPMNE-së.

    I përgjigjet Aleksandrova: “Kur ishte më së keqi”.

    Ndërhyn Kiçeec: “E di shumë mirë si është. Bashkë ishim. Unë isha aty. Atë e kemi bërë edhe unë dhe atë muhabet”.

    Pas kësaj Mickoski vazhdon të tregojë se për këtë gjatë negociatave për Ligjin për Prokurori Publike ka luftuar që të përfundojë lënda. Ai nuk e përmend emrin e lëndës por duke u bazuar në “bombat” paraprake supozohet se bëhet fjalë për lëndën “Perandoria” kundër Orce Kamçevit.

    “Aty puna nuk është kryer. Sepse, ky ligj për prokurorinë publike, nëse miratohet siç është, ajo lëndë nuk do të përfundojë. Përkundrazi, ta dini, i vetmi që po lufton për momentin jam unë”, tha Hristijan Mickoski, lider i VMRO-DPMNE-së.

    Bombat i komentoi Mickoski. Thotë se ato janë montuar pjesë – pjesë dhe janë publikuar nga LSDM-ja.

    “Ato biseda prehen dhe montohen pjesë- pjesë sipas nevojës së LSDM-së dhe Zoran Zaevit. Mendojnë se ajo do të ndihmojë diçka në fushatën e tyre në uljen e debaklit që do ta përjetojnë. Ajo që thuhet aty, unë edhe e kam thënë. Po, kur e kam marrë funksionin e liderit të VMRO-DPMNE-së para 30 muajve, ishte në situatë të vështirë financiare, me pronë të bllokuar”, tha Hristijan Mickoski, lider i VMRO-DPMNE-së.

    Ndërkaq lideri i LSDM-së, Zoran Zaev mohon se dikush nga partia që udhëheq ai i ka publikuar bombat.

    “Po shohim se si janë incizuar takime nga të gjithë njerëzit. Supozoj se dikush që ka qenë në ato takime, i ka incizuar ato biseda. Kur Zoran Zaev posedonte dëshmi i publikonte ato në mënyrë transparente në LSDM dhe gjithmonë kur do të kemi dëshmi do t’i publikojmë dhe do t’i dorëzojmë te institucionet”, tha Zoran Zaev, lider i LSDM-së.

    Negociatat për Ligjin për prokurori publike u zhvilluan për më shumë se një vit. Dallimi më i madh siç thuhej nga liderët në publik, ishte për të se cilat bomba duhet të përdoren si material gjyqësor pasi Prokuroria Speciale të kalojë në Prokurorinë Publike.

    IPKO i dhuron Komunës së Fushë Kosovës ekografi të sofistikuar për zbulimin e hershëm të kancerit Konfirmon përkushtimin e saj…
    Nga Rubrika
    Bota/Rajoni15 Prill 2024
    Të paktën tre persona humbën jetën pasi një helikopter u rrëzua në jug të Mexico City, sipas autoriteteve lokale. Pablo Vazquez, kreu...
    Bota/Rajoni15 Prill 2024
    Donald Trump do të bëhet ish-presidenti i parë në historinë e SHBA-së që përballet me akuza penale sot, ndërsa në Nju Jork...
    Bota/Rajoni15 Prill 2024
    Presidenti Emmanuel Macron, ka deklaruar se Franca do të bëjë gjithçka që mundet për të shmangur përshkallëzimin e mëtejshëm të konfliktit midis...
    Të tjera
    Ekonomi15 Prill 2024
    Një delegacion i Bankës Qendrore të Kosovës, i kryesuar nga guvernatori Ahmet Ismaili, po merr pjesë në takimet pranverore të Fondit Monetar...
    Kronika15 Prill 2024
    Rryma dyshohet se ka shkaktuar zjarin në një depo të frutave në Podujevë. Kështu kanë deklaruar para policisë, dëshmitarët. “Raportohet se një...
    Lajme15 Prill 2024
    Sot përfundon afati për aplikim për akreditimin e vëzhguesve të subjekteve politike të kryetarëve aktual, OJQ-ve vendore/ndërkombëtare dhe mediave. Këtë e konfirmoi...
    Kronika15 Prill 2024
    Është arrestuar një burrë në Gjakovë, pasi i njëjti dyshohet se e ka ndjekur një grua deri tek banesa e saj, duke...
    Kronika15 Prill 2024
    Dy mjete të dyshimta janë gjetur në Prishtinë. Rastin në polici e ka lajmëruar një burrë i cili fillimisht ka thënë se...
    Kronika15 Prill 2024
    Pesë persona janë arrestuar pas një përleshje ndërmjet vete për shkak të një mosmarrëveshje në komunikacion. Policia bën të ditur se ngjarja...

    FrontOnline, © 2024 Të gjitha të drejtat e rezervuara.