Aktivistët e PSD-së kanë zhvilluar sot një aksion simbolik para Qeverisë, raporton Front Online.

Përmes vendosjes së disa shiritave, ata kanë bllokuar hyrjen e Ekzekutivit.

Kanë thënë se me këtë veprim e kanë futur në karantinë Qeverinë, e cila sipas tyre, ka bërë përndjekje politike gjatë pandemisë.

Kur foli për gabimet gjatë procesit të karantinimit, Zgjim Hyseni i PSD-së, nuk e la pa e përmendur edhe vdekjen e të riut nga Gjilani, që ishte i karantinuar në Konvikte, e që dyshohet se u vetëvra.

Hyseni kërkoi zbardhjen e këtij rasti dhe dorëheqjen e ministrave Vitia e Sveçla.

“Përmes këtij aksioni e kemi futur Qeverinë në Karantine. Udhëheqësit e karantinës sot duhet bllokuar. Në karantinë nuk është vendosur sipas kritereve. Po kërkojmë përgjegjësi për rastin konkret. Kjo nuk mund të ndodh nëse ne krye janë Ministri Vitia dhe Sveçla”, u shpreh Hyseni./Front Online/

https://www.facebook.com/FrontOnlineMedia/videos/540683656618553/