Pas raportimit të Front Online për dyshime se është sulmuar bankomati i BKT-së, këtë e ka konfirmuar për Front Online Flora Ahmeti zëdhënëse e policisë për rajonin e Prishtinës.
“Sot rreth orës 05:30, është aktivizuar një alarm i një banke në një qendër tregtare në lagjen Veternik në Prishtinë. Menjëherë pas marrjes së këtij informacioni strukturat rajonale për hetimin e krimit me një intensitet të shtuar kanë filluar ndërmarrjen e një varg veprimesh operative dhe hetimore”, konfirmon policia.
Sipas policisë nuk janë vjedhur para, por vetëm ka pasur dëmtim të bankomatit me mjet shpërthyes.
“Mbështetur në rezultatet e para të grupit hetimor që po zhvillon hetimet lidhur me rastin në fjalë, dyshohet se një rast vjedhje ka mbetur në tentativë, e njëjta është tentuar të realizohet duke dëmtuar një bankomat të një banke, me një mjet shpërthyes.
Derisa ekzaminimi po vashdon në vendngjarje, hetuesit policor janë duke punuar në identifikimin dhe arrestimin e personave të dyshuar” thuhet në përgjigjjen e policisë.
Hajnat sulmojnë me eksploziv bankomatin e BKT-së, nuk dihet sa para janë vjedhur (Foto)
