Të paktën 400 mësues e kanë humbur jetën nga koronavirusi i ri (COVID-19) në Peru që nga fillimi i pandemisë, transmeton Anadolu Agency (AA).
Sipas mediave peruane, në vendin i cili është një ndër vendet më të ndikuara nga COVID-19 në Amerikën Latine, që nga fillimi i pandemisë kanë vdekur të paktën 400 mësues.
Sekretari i Përgjithshëm i Punëtorëve të Arsimit në Peru, Lucio Castro Chipana në deklaratën e tij vuri në dukje se mësuesit pavarësisht pandemisë vazhdojnë të punojnë.
“Po kalojmë një periudhë të hidhur. Nga COVID-19 deri më tani kanë humbur jetën 400 punonjës tanë ndërsa qindra janë prekur nga virusi. Mësuesit punojnë në mungesë të mjeteve teknologjike”, tha ai.
Deri më tani në Peru kanë humbur jetën 10.859 persona ndërsa janë shënuar 305.703 raste me COVID-19.
Rasti i parë me COVID-19 në Peru u regjistrua më 6 mars ndërsa vdekja e parë më 20 mars.
