Në pasditën e sotme, Kombëtarja e Spanjës e nis kampanjën e sivjetme në Kampionatin Botëror “Katar 2022” me një ndeshje ndaj Kosta Rikës.
Derisa nuk e ka fuqinë e dikurshme, nën urdhrat e Luis Enriques dhe me futbollistë të rinjë, tifozët spanjollë megjithatë janë optimistë, shkruan FrontOnline.
Nga ana tjetër, Kosta Rika, një outsajder, kërkon të shkaktojë befasi në grupin ku ndodhet edhe Gjermania e Japonia.
Ndeshja në fjalë nis nga ora 17:00, teksa do të luhet në “Al Thumama”, Doha të Katarit.
Jose Gaya është mungesa e fundit e Spanjës shkaku i lëndimit, teksa në vendin e tij erdhi Alejandro Balde si zëvendësim.
Ndërkaq, te Kosta Rika nuk ka ndonjë shqetësim.
Në gjashtë ndeshjet e fundit, Spanja ka katër fitore, një humbje dhe një barazim, ashtu njejtë si Kosta Rika.
Formacioni i mundshëm i Spanjës: Simon; Carvajal, Laporte, P Torres, Alba; Pedri, Busquets, Gavi; F Torres, Morata, Fati
Formacioni i mundshëm i Kosta Rikës: Navas; C Martinez, Calvo, Duarte, Oviedo; Tejeda, Bennette, G Torres; Borges, Contreras, Campbell.
Parashikimi i rezultatit: Spanja – Kosta Rika 2:1./FrontOnline/