×
  • Bota/Rajoni
  • Bota/Rajoni

    Përfundon situata në Elbasan/ Ekzekutohet 71-vjeçari pas 5 orësh rezistencë, qëlloi mbi forcat RENEA, çfarë iu gjet në shtëpi

    FrontOnline
    24 Shtator 2020

    71-vjeçari Lefter Zhidru është vrarë nga policia në Elbasan. Pas 5 orësh rezistencë duke mos iu bindur thirrjeve të vazhdueshme të policisë për dorëzim ai është vrarë pas përplasjeve me armë.

    Pak para se të vritej ai kishte nisur të qëllonte mbi forcat RENEA, dhe nuk i bindej thirrjeve për dorëzim, duke qëlluar në mënyrë të vazhdueshme, ndërsa në fund policia arriti të hapte derën me shpërthim.

    Forcat RENEA e  vranë 71 vjeçarin Lefter Zhidri sepse ai qëlloi për të vrarë policët. Plumbat e kallashnikovit goditen mburojën antiplumb të policisë që u afrua, siç duket nga fotoja më poshtë. Pasi plumbat goditën policët u dha urdhri për ta ekzekutuar 71-vjeçarin.

    Shenjat e plumbave të lëshuara nga 71 vjeçari në mburojën antiplumb të forcave RENEA. Në kushte të larta sigurie për jetën e punonjësve të Policisë, Renea i ka bërë përsëri thirrje për të hapur derën dhe t’i dorëzohej Policisë, por përsëri 71-vjeçari ka reaguar me armë dhe në këto kushte Renea ka shpërthyer derën për të hyrë në banesë. Në momentin që forcat speciale Renea po ndërhynin në banesë 71-vjeçari ka sulmuar përsëri me breshëri plumbash Forcat Renea duke rrezikuar seriozisht jetën e tyre, por falë mburojës metalike kolektive nuk është lënduar asnjë punonjës i Reneas.

    Raportohet se edhe pse i plagosur, Zhidri vijonte të qëllonte mbi forcat e policisë.

    Ndërkohë Grupi Hetimor, nën drejtimin e prokurorit, ndodhet në vendngjarje dhe në banesën e 71-vjeçarit ka gjetur dhe sekuestruar në cilësinë e provës materiale një armë zjarri kallashnikov, një sasi të konsiderueshme municioni luftarak dhe disa kallëpe me lëndë plasëse të montuara me kapsolla detonatore gati për shpërthim.

    Kujtojmë se ngjarja ka nisur rreth orës 13:20, në lagjen “11 Nëntori”, ku shtetasja F. Zh., ka pasur një konflikt me bashkëshortin e saj, Lefter Zhidri, 71- vjeç, i cili në momentin që ka shkuar Policia është futur në banesë dhe ka qëlluar dhe vijonte të qëllonte me armë zjarri kallash në drejtim të forcave të Policisë.

    Nga ngjarja më herët mbetën të plagosur dy të rinj, kalimtarë të rastit, jashtë rrezikut për jetën.

    Policia rrethon zonën

    Banesa nga e cila qëllonte Zhidri, i cili mësohet se kishte probleme të shëndetit mendor ishte rrethuar dhe Policia për të parandaluar dëmtimin e kalimtarëve të tjerë të rastit.

    Siç vihet ra nga fotot qe Top Channel ka siguruar rreth banesës ishin vendosur dy snajperisët si dhe mbërriti në vend ngjarje zjarrfikësja për të ndërhyrë nga ballkoni.

    Dy snajperistat ishin vendosur njëri në majën e një pallati, ndërsa tjetri në ballkonin e një apartamenti.

    Snajperët rrethojnë vendngjarjen

     

    Ndërkohë në vendngjarje  mbërritën drejtues të strukturave të larta të policisë si Tonin Vocaj, Arben Dashi drejtor i drejtorisë  kundër krimeve ndaj personit si Ardi Veliu, i cili i bëri thirrje 71-vjeçarit që të dorëzohej.

    E gjithë ngjarja ka nisur pasi 71-vjeçari ka pasur një konflikt me bashkëshorten e cila duke parë rëndimin e situatës njoftoi policinë ndërsa vetë mundi të largohet nga banesa.

    Që prej orës 13:00 e deri më tani policia ishte në negociata me 71-vjeçarin Zhidri që përfundoi me vdekjen e tij.

    KEDS njofton për punimet në rrjet, në këto vende do të ndalet rryma
    Nga Rubrika
    Bota/Rajoni27 Maj 2024
    Kryeministrja e Italisë, Giorgia Meloni ka zgjedhur ekranin e RAI 3 për ta mbrojtur homologun e saj shqiptar, Edi Ramë përballë sulmeve...
    Bota/Rajoni27 Maj 2024
    Rebelët Houthi të Jemenit kanë thënë se kanë nisur sulmet ndaj tre anijeve në Oqeanin Indian dhe Detin e Kuq. Ata thanë...
    Bota/Rajoni27 Maj 2024
    Koreja e Veriut ka thënë të hënën se kanë dështuar përpjekjet e saj për ta dërguar një satelit tjetër spiun në orbitë....
    Të tjera
    Lajme27 Maj 2024
    Kryetari i Aleancës për Ardhmërinë e Kosovës (AAK), Ramush Haradinaj, ka marrë pjesë në shënimin e 24-vjetorit të themelimit të degës së...
    Lajme27 Maj 2024
    Policia e Kosovës ka njoftuar se një person ka vdekur në Mitrovicë të hënën mbrëma në një aksident mes një veture me...
    Lajme27 Maj 2024
    Ministri i Mbrojtjes, Ejup Maqedonci ka dhënë alarmin për destabilitet në Ballkanin Perëndimor. Ai tha se tri brigada serbe janë shumë afër...
    Lajme27 Maj 2024
    Dy persona janë arrestuar në Gjakovë nën dyshimin për vjedhje. Ata dyshohen se me 11 maj në Gjakovë ishin futur në një...
    Lajme27 Maj 2024
    Kryeministri i Kosovës, njëherit kryetar i Lëvizjes Vetëvendosje, Albin Kurti do të marrë pjesë në një tubim mbështetës për kandidatët e Partisë...
    Lajme27 Maj 2024
    Kryeshefi i ndërmarrjes “Ibër Lepenci”, Faruk Mujka ka njoftuar se në të gjitha hyrjet në pronat e NHE “Ibër-Lepenc” SH.A në liqenin...

    FrontOnline, © 2024 Të gjitha të drejtat e rezervuara.