×
  • Lajme
  • Lajme

    PDK-ja propozon miratimin e pakos së parë ekonomike emergjente në Komunën e Prizrenit

    FrontOnline
    28 Shtator 2020

    Dega e PDK-së në Prizren, të hënën, ka propozuar miratimin e pakos së parë ekonomike emergjente në Komunën e Prizrenit, në kuadër të buxhetit për vitin 2021 në vlerë prej 5 milionë eurove. Anëtarët e partisë opozitare kanë pohuar se kjo pako synon mbështetjen e bizneseve për ti kapërcyer vështirësitë në kohë pandemie.

    “Me qëllim të menaxhimit më të mirë të situatës me pandeminë, propozojmë që në buxhetin e Komunës së Prizrenit për vitin 2021, të planifikohet një pako ekonomike emergjente në shumë prej 5 milionë euro, për t’i ndihmuar të vetëpunësuarit, ndërmarrjet e vogla dhe të mesme, si dhe biznesin në përgjithësi, të cilët janë dëmtuar nga efektet negative të pandemisë të shkaktuara nga Virusi Covid-19, në Komunën e Prizrenit”, ka thënë Kujtim Gashi, nënkryetar i degës dhe deputet në Kuvendin e Kosovës.

    Në vijim ka listuar fondet e propozuara në pakon ekonomike emergjente nga kategoritë e ndryshme buxhetore, në formë grantesh për bizneset, pastaj ndihmesën për sektorin e prodhimtarisë, bujqësisë, pakove ushqimore për familjet në nevojë, si dhe furnizimin e institucioneve të mjekësisë familjare me barna dhe pajisje të nevojshme për stafin shëndetësor, si dhe sigurimin e maskave dhe pakove higjienike për nxënësit dhe personelin arsimor në shkolla, por edhe për qytetarët e komunës së Prizrenit. Gjithashtu ka propozuar përkrahje për kulturën, rininë dhe sportin, sikurse edhe për institucionet dhe shoqatat që merren me shërbime dhe përkujdesje ndaj personave me aftësi të kufizuara, si dhe familjet që janë me asistencë sociale.

    Demokratike e Kosovës dega në Prizren, kërkon nga kryetari i komunës dhe kryesuesi i kuvendit të komunës, që këtë pako ekonomike emergjente ta propozojnë për miratim në seancën e radhës të Kuvendit të Komunës së Prizrenit, me datë 30 shtator 2020”, ka deklaruar Gashi.

    ka shtuar se propozim buxheti për vitin 2021 i paraqitur nga kryetari i Komunës është vetëm kopje e viteve të kaluara që kryesisht është përqendruar në infrastrukturë. “Në periudhën nëpër të cilën po kalon vendi dhe Prizreni, linjat buxhetore duhen me ndryshu, për përkrahjen e ekonomisë”, është shprehur Gashi, duke shtuar se pakoja e propozuar nga PDK-ja ofron zgjidhje për problemet me të cilat aktualisht ballafaqohet Prizreni.

    “Përndryshe nëse nuk përkrahet kjo pako atëherë nuk shohim asnjë arsye për ta votuar buxhetin e propozuar”, ka thënë Gashi.

    Shefi i grupit të këshilltarëve të PDK-së në KK-në e Prizrenit, Simir Krasniqi ka theksuar se ky propozim do t’i ofrohet gjatë ditës organeve përkatëse komunale. “Presim mbështetjen edhe nga partitë tjera për këtë pako ekonomike”, ka deklaruar Krasniqi.

    Nga Rubrika
    Lajme29 Maj 2025
    Kuvendi i Kosovës ka dalë me një njoftim lidhur me punimet e seancës së sotme, ku dështoi përpjekja e 23’të për konstituim....
    Lajme29 Maj 2025
    Partia Demokratike e Kosovës do të mbajë nesër konferencë për media. Konferenca do të mbahet në orën 10:00, në selinë e kësaj...
    Lajme29 Maj 2025
    Kryetari i Aleancës për Ardhmërinë e Kosovës,  Ramush Haradinaj, ka reaguar shkurtimisht ndaj deklaratave të Fatmir Limajt, kryetarit të Nismës Socialdemokrate, i...
    Të tjera
    Lajme29 Maj 2025
    Gazetari nga Lugina, Nexhat Behluli është ftuar si i dyshuar nga organet e drejtësisë në Prishtinë, pasi javë më parë kërkoi eleminimin...
    Lajme29 Maj 2025
    Kryetari i Lidhjes Demokratike të Kosovës, Lumir Abdixhiku, ka folur për protestën e bizneseve kundër mos-shtyrjes së vendimit për daljen në treg...
    Lajme29 Maj 2025
    Në shënim të Ditës së Pavarësisë së Italisë, Ambasada e Italisë në Prishtinë organizoi pritje për krerë shtetërorë, institucionalë, të partive politike...
    Kronika29 Maj 2025
    Dyshohet se një vajzë ka rënë nga lartësia e një ndërtese në Fushë Kosovës. Vajza është dërguar në Emergjencën e Qendrës Klinike...
    Lajme29 Maj 2025
    Lideri i LDK’së, Lumir Abdixhiku ka kritikuar Qeverinë në detyrë e cila po vazhdon të qëndrojë në objektet qeverisëse. Ai ka thënë...
    Lajme29 Maj 2025
    Një rast i rëndë i kanosjes ndaj një zyrtare të lartë të shtetit ka çuar në identifikimin dhe arrestimin e një personi...
    -->

    FrontOnline, © 2025 Të gjitha të drejtat e rezervuara.