Kryetarja e Kuvendit të Kosovës, Vjosa Osmani, ka ftuar sot për raportim në Kuvend kryeministrin Avdullah Hoti në lidhje me menaxhimin dhe parandalimin e pandemisë COVID-19, kanë bërë të ditur burimet e portalit “Front Online”.

“Duke pasur parasysh urgjencën dhe ndjeshmërinë e situatës, luteni që në ditët në vijim, por jo më vonë se një javë, ta njoftoni Kuvendin lidhur me ditën dhe kohën e raportimit”, thuhet në kërkesën e kryesisë së Kuvendit drejtuar Hotit, të cilën e posedon portali “Front Online”.

Kjo kërkesë drejtuar të parit të Qeverisë së Kosovës ka ardhur pas rritjes alarmanete të shifrave me COVID-19, ku janë konfirmuar 712 raste pozitive dhe mbi 1600 raste aktive me virus, përderisa numri i përgjithshëm i viktimave ka arrituë në 79. /Front Online/