F.B, infermier në Klinikën e Urologjisë në QKUK u ther me thikë nga një pacient.

Viktima më pas iu nënshtrua një operacioni, teksa Sindikata e Infermierëve ka treguar për gjendjen shëndetësore të tij.

Sindikata ka thënë se F.B është operuar me sukses falë ndërhyrjes profesionale dhe të shpejtë të ekipës nga QKUK.

Gjendja e tij aktualisht është stabile.

“Operacioni u krye me sukses falë ndërhyrjes profesionale dhe të shpejtë të ekipës nga QKUK. Gjendja e kolegut tonë tani është stabile. Falenderojmë ekipën mjekë dhe infermier që morën pjesë në ndërhyrjen kirurgjike”, thuhet në njoftim.

Lajmi.net mëson ndërkaq që i dyshuari për këtë sulm është një person i cili kishte kryer një plagosje para 10 muajsh.

I njëjti, ishte liruar nga Gjykata për t’u mbrojtur në liri.