Pasagjeri i një treni në Spanjë tërhiqet zvarrë nga rojet e sigurisë, pasi nuk e kishte vendosur maskën në fytyrë.
Sipas mediave të huaja, pamjet tronditëse të cilat u xhiruan në stacionin hekurudhor “La Segrera” në Barcelonë, tregojnë një burrë të përfshirë në një përleshje me dy roje sigurie.
Siç shihet në pamjet e mëposhtme, dy rojet të cilët u përleshën me një pasagjer, e hodhën atë në tokë, ndërsa burri përplasi kokën për betoni.
Përveç kësaj, edhe një incident tjetër i ngjashëm ndodhi në stacionin e trenit në Getafe afër Madridit, kur një burrë u kap nga rojet e trenit pasi ky i fundit nuk e kishte vendosur maskën.
