Trajneri i Dritës, Ardian Nuhiu është shprehur i lumtur më fitoren e skuadrës së tij ndaj Llapit sot në Merdarë.
Në kuadër të javës së 11-të në Superligë, nënkampioni në fuqi i Kosovës, Drita fitoi 1:3 ndaj Llapit.
Nuhiu ka deklaruar se skuadra e tij në pjesën e parë ishte në nivel por në të dytën ka bërë shumë gabime, derisa nuk ka pranuar ta komentojë referimin, i cili u kritikua ashpër nga homologu i tij te Llapi, Tahir Batatina.
“Që nga aplikimi i sistemit VAR unë nuk e lodhi kokën me gjyqtarë më, besoj tek ta dhe përqendrohem vetëm tek ekipi im. Sa i përket penalltisë së Llapit dhe kartonit të kuq, sa e di unë kur referohet penallti nuk ka edhe karton të kuq, por po them me VAR gjyqtarët e kanë parë me mirë dhe unë besoj në vendimet e tyre”, ka deklaruar Ardian Nuhiu./FrontOnline/