Një ditë pas varrimit të viktimave të moshës nga 16 deri në 48 vjeç të tragjedisë së 16 marsit, Koçani sot ishte tërësisht i heshtur. Në këtë qytet nuk funksionon asgjë.

Në qytetin e Koçanit nuk ka dyqane të hapura, përveç lulishteve pranë varrezave. Aty ku familjarët e viktimave blejnë lule dhe më pas nisen për në varreza, ku një ditë më parë i dhanë lamtumirën të afërmve të tyre.

Qytetarët që takuam thanë se Koçani nuk e meritoi këtë tragjedi. Ata kërkojnë përgjegjësi nga autoritetet.

Shumica e 59 viktimave qe humben jetën në tragjedinë e Koçanit ishin të rinj. Mes tyre 6 të mitur të moshës 16 deri në 17 vjeç, 4 ishin 18 vjeç dhe 3 të moshës 19 dhe 20 vjeç. Tjerët ishin të moshës nga 21 deri në 30 vjeç dhe 10 persona të moshës 31 deri në 40 vjeç. Mes viktimave janë dy 44-vjeçarë, një 47-vjeçar dhe një 48-vjeçar. /Alsat.mk