Lajme

Nënkryetari i VV’së: Hoti doli para Trumpit si nxënësi para profesorit

Nënkryetari i VV’së: Hoti doli para Trumpit si nxënësi para profesorit
22:21 | 09 Shtator 2020

Nënkryetari i Lëvizjes Vetëvendosje, Besnik Bislimi, ka ironizuar me paraqitjen e kryeministrit Avdullah Hoti në Shtëpinë e Bardhë.

Bislimi ka thënë se sa ka qenë në qeverisje Vetëvendosje kanë pasur raporte shumë të mira me Ambasadën e SHBA-së në Kosovë.

Nënkryetari i Lëvizjes Vetëvendosje ka hedhur kritika për kryeministrin Hoti që sipas tij për SHBA është nisur me premtime tjera.

“Avdullah Hoti ka thënë se në SHBA do të negociojë vetëm një pikë – njohjen e Kosovës. Kur shkoi atje ai doli si nxënësi para profesorit te Trumpi”, tha ai në Rtv Dukagjini.

Ish-ministri i Ekonomisë thotë se projektet infrastrukturore që janë arritur në SHBA më parë janë arritur në shkurt nën ndërmjetësimin e BE-së.

“Për këto marrëveshje që është dakorduar në shkurt pse ka pasur nevojë të rrëzohet qeveria dhe të largohet tarifa”, tha ndër të tjera Besnik Bislimi.

Auto Mita me një mundësi të mirë për bizneset – për çdo veturë të re, SERVISI FALAS deri në 100…

Të tjera