Kryetarja e Kuvendit të Kosovës, Vjosa Osmani, është larguar përfundimisht nga LDK-ja pas vendimit që mori Këshilli i Përgjithshëm i kësaj partie muaj më parë për ta larguar Osmanin nga funksionet e kësaj partie.

Osmani pas largimit të saj nga LDK-ja e la të hapur mundësinë e bashkëpunimit me liderin e LVV-së, Albin Kurti.

Ajo u shpreh se është shumë vonë për partinë e Isa Mustafës të kërkojë më mbështetje nga ajo në rast të zgjedhjeve të parakohshme.

E lidhur me largimin e Osmanit nga kjo parti për Front Online, ka folur nënkryetari i LDK-së, Haki Rugova.

Ai tha se largimi i Osmanit nga LDK-ja është vendim i saj dhe se varet nga ajo se a do të formon parti të re apo do të shkon në ndonjë parti tjetër.

“Ai vendim është i saj, vendimin e ka marrë me vota të fshehta, e ka marrë Këshilli i Përgjithshëm jo kryesia, ku ka marr vendim ta largoj Osmanin nga funksionet e partisë dhe jo nga partia. Vendimi për largimin e saj nga partia është e drejt e saj, është vendim i saj a do të shkon në parti tjetër apo të formon parti të re”, tha Rugova për Front Online.

Ndërsa i pyetur se sa do të jetë humbje për LDK-në, largimi i Osmanit nga kjo parti, Rugova tha se pas largimit të Vjosa Osmani nga kjo parti nuk do të ketë fare humbje dhe se koha do të tregon se kush do të humb.

“Vendimi i Këshillit të Përgjithësim është që ajo të mos jetë më pjesë e strukturave të LDK-së. Koha do të tregon se a do të ketë humbje LDK-ja pas largimit të Osmanit”, tha ai për Front Online.