Italia ka raportuar 1,316 raste të infektimit me koronavirus përbrenda periudhës së fundit 24-orëshe, ka bërë me dije Ministria e Shëndetësisë së vendit të mërkurën.Shteti ka pasur edhe gjashtë të vdekur përbrenda një dite, të cilët besohet të kenë qenë të infektuar me koronavirus, bëri me dije i njëjti burim.
Bilanci total i të vdekurve me Covid-19 ka shkuar në 35,497, shkruan lajmi.net.
Gadishulli ka regjistruar një rekord të numrit të testeve të kryera për diagnostikimin e sëmundjes për një ditë, duke marrë mostrat e 102,959 italianëve në mbarë vendin.
Në anën tjetër, numri i pacientëve të pranuar në kujdes intensiv është rritur në 109 nëpër spitalet italiane.
