×
  • Bota/Rajoni
  • Bota/Rajoni

    NATO-ja kërkon hollësi rreth pakësimit të trupave të SHBA-së në Gjermani

    FrontOnline
    16 Qershor 2020

    Sekretari i Përgjithshëm i NATO-s, Jens Stoltenberg tha se aleanca po kërkon hollësi rreth vendimit të Presidentit amerikan Donald Trump për të ulur numrin e trupave të SHBA në Gjermani.

    Ai i bëri komentet të martën, ndërkohë që propozimi për shkurtimin e trupave i ka kapur aleatët në befasi.

    Presidenti Trump, i cili e ka kritikuar Gjermaninë se nuk po shpenzon sa duhet për mbrojtjen, konfirmoi të hënën njoftimet e javës së shkuar për një shkurtim të 9,500 trupave amerikane në Gjermani.

    Nëse ndodh, kjo do të ishte hera e parë që presidenti i SHBA vë në jetë kërcënimin për të pakësuar mbështetjen në Evropë.

    “Ende nuk është vendosur se si dhe kur do të vihet në jetë ky vendim”, tha zoti Stoltenberg në një videokonferencë shtypi.

    Ai tha se kishte biseduar me Presidentin Trump e me zyrtarë të tjerë të SHBA dhe se ishte duke u këshilluar me ministren gjermane të mbrojtjes, Annegret Kramp-Karrenbauer, e cila tha javën e kaluar se nuk ishte informuar për vendimin.

    “Është një marrëveshje dypalëshe midis SHBA dhe Gjermanisë, por natyrisht ka rëndësi për tërë aleancën”, tha zoti Stoltenberg.

    Ai pohoi se i kishte thënë Presidentit Trump se trupat amerikane në Evropë nuk janë thjesht për mbrojtje territori, por lejojnë Shtetet e Bashkuara të projektojnë fuqinë përtej kontinentit.

    Javën e kaluar, një zyrtar amerikan tha se vendimi ishte rrjedhojë e shumë muajve punë dhe nuk kishte asnjë lidhje me tensionet mes Presidentit Trump dhe kancelares gjermane Angela Merkel, e cila nuk e pranoi planin e tij për një samit të Shtatëshes, nën mikpritjen e tij, me pjesëmarrje fizike të udhëheqësve.

    Shtetet e Bashkuara ende nuk i kanë informuar aleatët për vendimin, por mund të përdorin për këtë qëllim një takim të ministrave të mbrojtjes të NATO-s që mbahet të mërkurën dhe të enjten me videokonferencë, thanë dy diplomatë të aleancës.

    Megjithatë Shtetet e Bashkuara do të mbajnë në Evropë një personel ushtarak prej rreth 50,000 vetash. /voa/

    Nga Rubrika
    Bota/Rajoni15 Mars 2025
    Sot në Beograd, studentët kanë organizuar një protestë masive antiqeveritare, ku pjesëmarrës kanë qenë qindra-mijëra persona. Beogradi gjatë protestës, të cilën studentët...
    Bota/Rajoni15 Mars 2025
    Rreth 275,000 dhe 325,000 njerëzve po besohet së kanë qenë pjesëmarrës sot në protestën masive antiqeveritare të zhvilluar në Serbi. Radio Evropa...
    Bota/Rajoni15 Mars 2025
    Presidenti serb, Aleksandar Vuçiq, ka mbajtur një konferencë të jashtëzakonshme pas protestës masive të studentëve në Beograd. Vuçiq tha se është i...
    Të tjera
    Lajme15 Mars 2025
    Kryetari i NISMA-s, Fatmir Limaj, ka falënderuar të gjithë qytetarët që kanë votuar për këtë parti në zgjedhjet e 9 shkurtit, duke...
    Bota/Rajoni15 Mars 2025
    Në qendër të Beogradit ka pasur incidente serioze në protestën më të madhe kundër Vuçiqit dhe regjimit të tij. Në momentin kur...
    Sport15 Mars 2025
    Milani ka shënuar fitore me rezultat 2-1 në shtëpi ndaj Comos në kuadër të javës së 29-të në elitën e futbollit italian....
    Lajme15 Mars 2025
    Lëvizja Vetëvendosje 48 deputetë, PDK 24, LDK 20, AAK-NISMA 8, 9 deputetë Lista Serbe, 1 mandat e ka fituar ZSPO e Nenad...
    Bota/Rajoni15 Mars 2025
    Partia Demokratike po proteston kundër vendimit të qeverisë që ka mbyllur rrjetin social TikTok në Shqipëri. Ajo e cilëson këtë si akt...
    Lajme15 Mars 2025
    35 kuti të votimit të Vushtrri kanë shkuar në rinumërim, nga 96 që ishin në total. Nacionale raporton me burime se shpërputhje...
    -->

    FrontOnline, © 2025 Të gjitha të drejtat e rezervuara.