Kryetari i LDK-së Isa Mustafa pas takimit me krerët e subjekteve politike të thirrur nga Presidenti Hashim Thaçi, ka deklaruar se partia e tij LDK është e gatshme ta marrë mandatarin për Qeverinë e re, raporton Front Online.

Kreu i LDK-së ka deklaruar se aktualisht në Kosovë nuk është koha e favorshme që të shkohet në zgjedhje.

“Në këto momente në Kosovë nuk duhet të shkohet në zgjedhje meqenëse jemi në kohë pandemie. Arsye tjetër ësgtë se edhe Deputetët e Kosovës janë ne fillimet e mandatit të tyre”, tha Mustafa.

Megjithatë sipas Muatafës është koha që të formohet qeveria e re që sipas tij duhet të ketë kompetenca të plota për tu marrë me procese të rëndësishme që e presin vendin.

“Qeveria e re do të merret me dialogun me Serbinë, do të merret me pasojat e ekonomisë që do t’i ketë Kosova pas pandemisë, do ta ruaj partneritetin me SHBA-të, do të merret me proceset e liberalizimin e vizave”, tha Mustafa.

Kësisoj ai tha se partia e tij nuk është e etur për pushtet por që sipas tij për t’i shërbyer qytetarëve të Kosovës.

“Si LDK jemi shprehur qe jemi të gatshëm ta marrim këtë përgjegjësi. Jo pse jemi të etur për pushtet por që ekzistojmë si parti politike për t’iu shërbyer qytetarëve të Kosovës”, deklaroi më tutje Mustafa.

Ai po ashtu ka njoftuar se nesër do të mblidhet edhe Kryesia e LDK-së për ta propozuar emrin për kryeministër, dhe pas kësaj do të zhvillohet edhe një cikël tjetër i takimeve me partitë që synojnë ta formojn Qeverinë e re./Front Online

https://www.facebook.com/FrontOnlineMedia/videos/951765771920299/