Trajneri i Gjilanit, Ismet Munishi e ka komentuar fitoren e sotme ndaj Feronikelit.
Në Gjilan, skuadra e Munishit regjistroi fitore 1:0 ndaj “Niklit” në javën e 11-të në Superligën e Kosovës, shkruan FrontOnline.
Pas ndeshjes, Munishi u shpreh tejet i lumtur me tre pikët.
“Ishte ndeshja më e mirë e luajtur nga Gjilani deri më sot, me angazhim dhe vetëbesim të madh, me lojë të bukur”, ka thënë Munishi.
“Më gëzon fakti që Krasniqi shënoi gol sepse ka dhënë kontribut të madh. Dha gol të bukur dhe gjithçka shkoi mirë. Patëm shumë mungesa, Kastrati, Musolli, Prekazi, Veliu, por duhet të vazhdojmë tutje, duhet të shohim para”, theksoi ai./FrontOnline/