Ministria e Shëndetësisë pas shqyrtimit të aplikacioneve, Bordi për Licensimin e Institucioneve Shëndetësore, u ka dhënë leje për kryerjen e testeve me metodën PCR edhe dy laboratorëve privatë.

Një nga laboratorët është në Prishtinë e njëri në Lipjan. Madje laboratori “UBT” në Lipjan ishte licensuar qysh në fillim, por pas inspektimit i ishte tërhequr licensa. Kjo pasi në deklaratën e betimit zyrtarë nga UBT kishin deklaruar se janë gati.

Por nga MSH-ja kanë vendosur ta licensojë sërish.

Ndërkaq institucioni tjetër i licensuar është laboratori mjekësor i mikrobiologjisë llinike në kuadër të poliklinikës “OLIVE MEDICAL GROUP” në Prishtinë.

Përveç tyre, MSH ka licensuar edhe 3 laboratorë të tjerë për testime serologjike.