Bota/Rajoni

Mjeku Pipero: Me coronavirusin bashkëjetojmë deri në vitin 2023

Mjeku Pipero: Me coronavirusin bashkëjetojmë deri në vitin 2023
23:46 | 11 Shtator 2020

Mjeku Pëllumb Pipero ka qenë sot i ftuar në emisionin ka folur për pandeminë e COVID-19.

Pipero është pyetur se sa mund të zgjasë pandemia, dhe ka thënë se me virusin mund të bashkëjetojmë deri në vitin 2023.

“Është e vështirë që të bëjmë parashikime, por dhe një vit e gjysmë besoj. Kjo pandemi do na shoqërojë së paku 1 vit e gjysmë, por dhe më shumë. Me virusin mund të bashkëjetojmë dhe deri në vitin 2023. Kjo varet dhe nga virusi, pasi mund të pësojë mutacion”, tha mjeku në një intervistë në TV Klan.

Më tej Pipero ka folur dhe për vaksinën, duke u shprehur se nuk mund të bëhet me forcë por qytetarët të jenë të lirë të zgjedhin nëse duan ta marrin apo jo.

“Jam kundër përdorimit të forcës për bërjen e vaksinës. Vaksina duhet të bëhet vullnetarisht dhe jo me ligj. Por janë disa shtresa të shoqërisë që kanë më shumë rrezik, rekomandohet që të bëjnë vaksinën, por sërish jo forcërisht”, shtoi mjeku i njohur.

“Petrol Company” në natën e “Kurban Bajramit” e bën me shtëpi të re familjen nga Skenderaj

Të tjera