Drejtori i Asociacionit të Komunave të Kosovës (AKK) Sazan Ibrahimi dhe Kryesuesi i Kolegjiumit të Inspeksionit të AKK-së Adonis Tahiri u priten në një takim pune nga Ministri i Tregtisë dhe Industrisë Vesel Krasniqi.

Në këtë takim u bisedua për ngritjen e Task Forcës mes Ministrisë së Tregtisë e Industrisë dhe Kolegjiumit të Inspeksionit të AKK-së. Kjo Task Force do të hartojë Planin e punës në zbatimin e masave anti Covid 19 nga aspekti i inspektimeve komunale.

Ministri dhe përfaqësuesit e AKK-së u pajtuan për shtimin edhe të 50 Inspektorëve Sanitar që do të shpërndahen në nivel të Komunave të Kosovës.

Këta inspektorë shtesë do të jenë të angazhuar vetëm përkohësisht gjatë kohës së pandemisë Covid 19. /FrontOnline/