Avokati Tomë Gashi dhe anëtari i Partisë Socialdemokrate, Nol Nushi, janë konfrontuar fizikisht të martën.
Incidenti ka ndodhur në ambientet e Radio Televizionit të Kosovës, pas përfundimit të emisionit “Debati” në RTK. Pjesë e këtij debati televiziv kishin qenë Tomë Gashi, Nol Nushi dhe analisti Milaim Zeka.
Zeka ka thënë se Tomë Gashi e ka gjuajtur me shishë të ujit Nol Nushin, “menjëherë pas përfundimit të debatit televiziv”.
“Në momentin që kanë shkuar siglat. Toma e ka ofenduar Nol Nushin, pastaj Noli e gjuajti me ujë dhe ne i ndërhymë. Nuk lam të bëhet diçka më e keqe. Fyerja dhe akuza e Tomë Gashit ishte shumë e rëndë”, ka thënë Zeka për RTV Dukagjini.
Ndërkaq, Nol Nushi ka thënë se nuk është përleshur fizikisht me Gashin, por ka konfirmuar të jetë gjuajtur me shishë plastike të ujit nga Gashi.
Avokati Tomë Gashi është simpatizant i Lëvizjes Vetëvendosje.
