Në gjashtë pika të shesheve të Prishtinës ka nisur shpërndarja falas e 600 maskave për qytetarët, si masë mbrojtëse kundër COVID-19.
Kjo fushatë është organizuar nga platforma “Civikos”.
Dardan Kryeziu nga kjo organizatë, ka thënë se këtë veprim e kanë bërë për t’u ndihmuar qytetarëve në respektimin e masave, pasi sipas tij, është shqetësuese që rreth 80% e qytetarëve nuk po bartin maska.
“Civikos” ka lansuar edhe fushatën “vendose maskën” në rrjete sociale, ku u bëhet thirrje qytetarëve që të mos dalin në ambiente të jashtme pa mbuluar gojën dhe hundën.
