×
  • Bota/Rajoni
  • Bota/Rajoni

    Manastirliu: Rihapet transporti publik, por me rregulla strikte

    FrontOnline
    23 Qershor 2020

    Sot është dita e fundit e gjendjes së fatkeqësisë natyrore për shkak të situatës së shkaktuar nga pandemia COVID-19.

    Në një dalje për medie, ministrja e Shëndetësisë, Ogerta Manastirliu bëri të ditur se me gjithë përfundimin e gjendjes së fatkeqësisë natyrore, rregullat nuk do të ndryshojnë, nuk do lejohen grumbullimi dhe do të vazhdoj të jetë në fuqi karantinimi për personat e infektuar.

    “Përfundimi i gjendjes së fatkeqësisë natyrore nuk e ul gatishmërinë tonë në përballje me këtë virus të rrezikshëm, pasi vendi vijon të jetë në gjendje epidemie si pasojë e situatës së shkaktuar nga SARS-COV2. Që do të thotë që do të vijojnë të mbeten në fuqi të gjitha masat e marra në kuadër të gjendjes se epidemisë. Bazuar në ligjin për sëmundjet infektive, do të vijojnë të jenë të ndaluara grumbullimet e çdo lloji, si rrezik i lartë për përhapjen e virusit, do të vijojë karantinimi i personave të konfirmuar me COVID-19 si rregull përgjatë gjithë kësaj gjendje, do të vijojnë të jenë në fuqi masat për të kufizuar përhapjen e infeksionit. Strukturat e Task-Forcës anti-COVID-19 vijojnë të jenë të angazhuar 24/7 në të gjithë territorin, me kapacitet të plotë dhe çdo thyerje e rregullave do të konsiderohet kërcënim për shëndetin e popullatës”, tha Manastirliu.

    Ndërkohë, pas një kohe shumë të gjatë pa qarkullim publik, është marrë së fundi vendimi për rihapjen e transportit publik.

    Manastirliu bëri të ditur se “Komiteti Teknik i Ekspertëve ka vendosur hapjen e transportit publik, por vetëm nën protokolle strikte”, por pa dhene nje date konkrete se kur do te rifilloje.

    “Komiteti Teknik i Ekspertëve ka vendosur hapjen e transportit publik, por vetëm nën protokolle strikte, tashmë të miratuara, ku vendosja e maskës qoftë nga ata që shërbejnë apo nga qytetarët që e përdorin transportin publik, do të jetë e domosdoshme dhe nuk do të tolerohet asnjë thyerje e këtij rregulli”, tha Manastirliu.

    Sipas saj, nuk do të ketë asnjë tolerancë nëse do të konstatohet mosrespektim i këtyre masave dhe rregullave të vendosura që janë të domosdoshme për të mbrojtur shëndetin e popullatës dhe për të mos lejuar përhapjen e SARS-COV2.

    Ministrja e Shëndetësisë kërkoi bashkëpunimin e qytetarëve për masat parandaluese ndaj COVID19, për të mos e mbingarkuar sistemin shëndetësor.

    “Duke falenderuar stafet mjekësore që vijojnë të jenë në gatishmëri, çdo qytetar është i lutur të mbrojë sistemin shëndetësor, të mos e vërë në sprovën e mbingarkesës, duke zbatuar rregullat e thjeshta parandaluese, distancimi fizik, higjiena personale dhe mbajtja e maskës kudo kur nuk është e mundur të respektohet distance, pasi janë të vetmet armë që kemi në dorë për të parandaluar përhapjen e COVID19”, tha Manastirliu.

    Gjendja e jashtëzakonshme u vendos me vendim të Këshillit të Ministrave për herë të parë më 24 mars, kur Shqipëria u përball me rastet e Coronavirusit, ndërsa u shoqërua me një sërë masash, siç ishte dhe izolimi.

    Petrol Company sërish troket në dyert e Shtëpisë së Pleqve për Ramazan
    Nga Rubrika
    Bota/Rajoni20 Qershor 2024
    Numri i të vdekurve në haxh i këtij viti ka kaluar 1,000, tha një raport i AFP-së të enjten, më shumë se gjysma...
    Bota/Rajoni20 Qershor 2024
    Përfaqësuesi i Lartë i BE-së, Josep Borrell, gjatë ditës së sotme dhe të premten do të qëndrojë në Austri, ku do të...
    Bota/Rajoni20 Qershor 2024
    Policia hungareze ka arrestuar një shtetas kosovar pasi e kapi duke tentuar të kontrabandonte 11 kilogramë marihuanë në Hungari përmes kufirit serbo-hungarez....
    Të tjera
    Lajme20 Qershor 2024
    Kryeministri i Kosovës, Albin Kurti dhe ai i Serbisë, Aleksandar Vuçiq do të takohen më 26 qershor në Bruksel. Lajmin për takimin...
    Lajme20 Qershor 2024
    Ka dështuar mbledhja e Komisionit Hetimor Parlamentar lidhur me nivelin e menaxhimit të marrëdhënies së punës të anëtarëve të Shërbimit të Jashtëm...
    Bota/Rajoni20 Qershor 2024
    Përfaqësuesi i Lartë i BE-së, Josep Borrell, gjatë ditës së sotme dhe të premten do të qëndrojë në Austri, ku do të...
    Sport20 Qershor 2024
    Federata e Futbollit të Serbisë i ka dërguar një letër sekretarit të përgjithshëm të UEFA-s, Teodor Teodoridis, pas skenave në ndeshjen ndërmjet...
    Sport20 Qershor 2024
    Edhe pse goglat e pozicionuan në grupin B, të cilësuar si grupi i ferrit, me Spanjën, Kroacinë dhe Italinë, Shqipëria ka zhvilluar...
    Lajme20 Qershor 2024
    Gjykata Supreme e Kosovës, përmes aktgjykimit të 27 majit 2024 e ka anuluar aktgjykimin e Gjykatës Themelore në Prishtinë dhe atë të...

    FrontOnline, © 2024 Të gjitha të drejtat e rezervuara.