Në parkingun e zonës një që ndodhet prapa “Pallatit të Rinisë” e që zotëron një hapësirë të madhe, çmimi për tri orët e para do të 0.30 cent. Në momentin kur kjo kohë tejkalohet, do të aprovohet tarifa prej 1.50 cent.

 Ushtruesi i detyrës së kryeshefit të ndërmarrjes “Prishtina Parking”, Liridon Restelica ka thënë për Front Online se në zonën 1- qendër do të ketë dy parkingje me laura.

“Parkingu prapa “Pallatit të Rinisë” edhe pse ndodhet në zonën qendër, është 0.30 cent ora. Aty 3 orë janë ka 0.30 cent. Në momentin që kalon 3 orë parking hynë në tarifën ditore 1.50 cent. Por, ky çmim vlen vetëm për tarifa ditore. Për tarifa mujore duhet të referohen rregulloret”, ka bërë të ditur Restelica për Front Online.

Ai tha se çmimi mujor në këtë zonë për persona fizik do të jetë 30 euro, derisa 45 euro do të jetë tarifa për persona juridik.

“Ka shumë qytetarë që kanë marrë edhe kartela mujore. Çmimi mujor te parkingu prapa “Pallatit të Rinisë” është 30 euro në muaj për persona fizik. Ndërsa për persona juridik është 45 euro”, tha më tutje Restelica për Front Online.