Pas shembjes së Teatrit Kombëtar në Tiranë, ka reaguar edhe kryeministri në detyrë, Albin Kurti.

Sipas Kurtit, kur shembet një monument kulture, kjo nuk ndodh si pasojë e një gjykimi të pjesshëm, që vjen prej shijes së veçantë të dikujt, por prej interesave të përkohshëm që lidhen me përfitimet e disave.

Shkrimi i plotë:

Ne duhet të jemi mbrojtësit e çdo cepi të kulturës sonë. Një pjesë e saj na është vjedhur nga pushtuesi serb – 1.200 artefakte kulturore të Kosovës. Një pjesë tjetër na është shtypur e ndrydhur nga diktatura e ideologji, na është sulmuar nga akademitë e fqinjëve, na është shitur e rrënuar prej paditurisë zyrtare a korrupsionit institucional.Arkiva e një populli, kujtesa e tij, duhet të mbahet e paprekur nga regjimet. Kultura është krijuar nëpër historitë e regjimeve, por në thelb të saj është krijimtaria dhe aderimi i një populli.
Kur shembet një monument kulture, kjo nuk ndodh si pasojë e një gjykimi të pjesshëm, që vjen prej shijes së veçantë të dikujt, por prej interesave të përkohshëm që lidhen me përfitimet e disave.

I përshëndes dhe i mbështes tërë artistët dhe qytetarët e Tiranës që e mbrojtën kaq gjatë Teatrin Kombëtar. Kur ndodhin humbje, ngjarjen sa edhe vetë humbja, e shënon në histori rezistenca. Në rezistencë mësojmë, e meqë nuk i harrojmë ato mësime, ata që sot përfitojnë, nesër humbin, kurse ata që humbin fitojnë.

https://www.facebook.com/albini2017/posts/873266549839897?__xts__[0]=68.ARDTbmSaAedjTkznCg0SSIZs7WDvMuNgpTNwIpo_-fZ54qBh5kkMiMAdYohGT2tHHSUOYQrV7HCxbkVG6HgD5OMtrn81FBabIr8xGwyODNCdvHyXnXdT58DmsHllJcCmWRAyWhOIKlIwTNJsrLulM23iK4_wbqBcQlV0v0Fs_y57iqSNYadSyZChGwfsU3zDHQHgZBI9UJ0djBlbOA46bvYcVezAFOn9l9HEerRn1xb6o8oFHQfSdj-pBOHiMcQa0xe5RfdXR4xREbODH5gOTn76zoQU90SjPfujnVaXzSvfMuuDOMNx25rAZTs5FkGhctpDQzwWP_Na3Ex9N9g&__tn__=-R