Një ngjarje e rëndë ka ndodhur para pak minutave në fshatin Milloshevë të Obliqit.

Dy fëmijë kanë rëndë në një pusetë të këtij fshati, njëri është nxjerrë i vdekur kurse tjetri ende po kërkohet nga ekipet e kërkim shpëtimit.

Kryetari i Obiliqit Xhafer Gashi e ka konfirmuar rastin. Ai ka thënë se është duke shkuar në vendin e ngjarjes.

“Jam duke shkuar në vendin e ngjarjes. Para 20 minutave u informuam nga Policia. Trupi i njërit prej fëmijëve është gjetur i vdekur kurse tjetri është ende në kërkim”, ka thënë Gashi për Reporteri.net.

Rastin e ka konfirmuar edhe zëdhënësi i Policisë së Kosovës, Duat Hoxha.

Ai ka thënë se trupi i njërit nga fëmijët është nxjerrur i vdekur kurse tjetri ende është në kërkim.

“Me datë 16.06.2020 rreth orës 15:00, Policia ka pranuar informatën se në fshatin Milloshevë dyshohet se dy fëmijë kanë rënë në një pus. Policia me njësitet e saj ka dal në vendin e ngjarjes, si dhe ka njoftuar ekipet e emergjencës. Ekipi mjekësor ka konstatuar vdekjen e një femiu rreth 10/12 vjeçar i nxjerrur nga pusi. Po ashtu janë njoftuar ekipet e kërkim shpëtimit për nxjerrjen edhe të një fëmijë tjetër i cili dyshohet të ketë rënë ne pusë/ ujë”, ka thënë Hoxha.