×
  • Lajme
  • Lajme

    Kryeministri Hoti: Kemi program të detajuar për rimëkëmbjen ekonomike

    FrontOnline
    22 Qershor 2020

    Kryeministri i Republikës së Kosovës, Avdullah Hoti, në kuadër të prezantimit të masave të Pakos për Rimëkëmbjen Ekonomike, si pjesë e programit qeverisës, gjatë ditës së sotme, mori pjesë në forumin virtual të organizuar nga Oda Ekonomike Amerikane në Kosovë.

    Në fjalën hyrëse kryeministri Hoti ka prezantuar prioritetet e Qeverisë, masat që janë ndërmarrë për menaxhimin e situatës të shkaktuar si pasojë e pandemisë COVID 19, si dhe për çështje të tjera që ndërlidhen me aktualitetin politik dhe ekonomik në vend.

    Kryeministri Hoti tha se orientimet e qeverisë janë në dy aspekte kohore, në periudhë të shkurtër dhe afatmesme përmes pakos për Rimëkëmbje Ekonomike dhe në periudhë më afatgjate ku do të vendosen bazat e zhvillimit ekonomik.

    Më tej, kryeministri Hoti tha se është me interes që të krijojnë konsensusin e nevojshëm shoqëror për programin qeverisës të cilin siç theksoi ai, e kanë miratuar në Qeveri dhe e kanë shpërndarë te të gjitha aktorët e tjerë.

    “Fokusi ynë kryesor mbetet  rimëkëmbja ekonomike, por përtej asaj ne kemi një program bukur  të detajuar nëpër fusha të caktuara të ekonomisë”, u shpreh kryeministri Hoti.

    Në këtë forum virtual kryeministri Hoti tha se Qeveria e Kosovës do të jetë e fokusuar në zhvillimin ekonomik afatgjatë, ndërtimin e politikave nxitëse për sektorin privat, politikat tatimore, zvogëlimin e informalitetit, themelimin e Fondit investiv,  kompensimin e humbjeve ekonomike të shkaktuara si pasojë e pandemisë si dhe për investimet e jashtme përmes ligjit për investime strategjike.

    Kryeministri Hoti, me këtë rast, ka thënë se Qeveria gjatë këtij viti dhe vitit të ardhshëm parasheh futjen në ekonomi të një shume financiare prej 1.2 miliard euro si infuzion për zhvillim ekonomik, prej të cilave tashmë me rishikimin e buxhetit janë mobilizuar 384 milionë euro.

    Kryeministri Hoti më këtë rast ka prezantuar 9 masat që janë paraparë në kuadër të pakos për rimëkëmbje ekonomike siç janë:  1. Lehtësimi i qasjes në financim; 2. Zvogëlimi i barrës tatimore; 3. Masat për mbështetje të punësimit; 4. Bujqësia; 5. Masat për stimulim të kërkesës agregate; 6. Mbështetje për ndërmarrje publike për operim të rregullt dhe investime kapitale të rëndësisë strategjike; 7. Rishikimi i Buxhetit për 2020 dhe relaksimi i kufizimeve fiskale dhe i borxhit publik; 8. Masa mbështetëse për ekonomi nga sektori financiar; 9. Mobilizimi për financimin e masave.

    Kryeministri Hoti iu është përgjigjur edhe shumë pyetjeve të bëra nga anëtarët e Odës Ekonomike Amerikanë që kanë të bëjnë me zhvillimin ekonomik dhe hapat që ka ndërmarrë Qeveria në këtë drejtim.

     

     

    Nga Rubrika
    Lajme14 Prill 2025
    Kryetari i Lidhjes Demokratike të Kosovës, Lumir Abdixhiku, ka thënë se nuk e përjashtojnë si mundësi që LDK’ja të marrë iniciativën për...
    Lajme14 Prill 2025
    Kryetari i Lidhjes Demokratike të Kosovës (LDK), Lumir Abdixhiku, ka ngritur shqetësime lidhur me pjesëmarrjen e kryeministrit në detyrë Albin Kurti dhe...
    Lajme14 Prill 2025
    Një aksident i rëndë trafiku ka ndodhur rreth orës 18:45 në fshatin Baballoq të Deçanit, ku një person ka humbur jetën. Rastin...
    Të tjera
    Lajme14 Prill 2025
    Presidentja e Republikës së Kosovës, Vjosa Osmani, ka përkujtuar sot 25-vjetorin e masakrës në Lagjen e Kovaçëve në Mitrovicë, ku më 14...
    Lajme14 Prill 2025
    Sot, Komandanti i Forcës së udhëhequr nga NATO në Kosovë (KFOR), Gjeneral Major Enrico Barduani, informoi Komitetin Ushtarak të NATO-s, në selinë...
    Lajme14 Prill 2025
    Shefja e diplomacisë së Bashkimit Evropian, Kaja Kallas, ka bërë të ditur se do ta vizitojë Kosovën dhe Serbinë dikur gjatë muajit...
    Sport14 Prill 2025
    Klubi i karatesē “Arena” nga Peja mori pjesë në turneun memorial tradicional pēr nder të heroit “Mustafē Blakaj” i cili u mbajt...
    Bota/Rajoni14 Prill 2025
    Një kosovar 47-vjeçar i cili dyshohet për vrasjen e partneres së tij 33-vjeçare në Oberhausen, është arrestuar nga autoritetet gjermane.  Ai ishte...
    Lajme14 Prill 2025
    Nesër me fillim nga ora 10:00 do të mbahet seanca konstituive e Kuvendit të Kosovës. Eugen Cakolli nga Instituti Demokratik i Kosovës...
    -->

    FrontOnline, © 2025 Të gjitha të drejtat e rezervuara.