Kryediplomati i Rusisë, Sergei Lavrov, ka folur për medie pas telefonatës me presidentin e Serbisë, Aleksandar Vucic.

Sot gjatë ditës disa deklarata ishin këmbyer mes zyrtarëve të lartë serbë dhe rusë pas marrëveshjes me Kosovën në Shtëpinë e Bardhë. Zëdhënësja e Punëve të Jashtme të Rusisë, Maria Zaharaova postoi një foto turpëruese të Vucic në Dhomën Ovale para presidentit të SHBA’së, Donald Trump.

Pas kësaj kishte reagime nga ana e zyrtarëve të lartë të Serbisë.

Presidenti serb ka thënë se ai i kishte mbrojtur lidhjet e ngushta me Rusinë në Shtëpinë e Bardhë, përfshirë blerjen e armëve dhe refuzimin për vendosjen e sanksioneve perëndimore ndaj Moskës.

Edhe politikanë tjerë serbë i kanë dalur në mbrojtje presidentit të Serbisë.

Marko Gjuriqi ka thënë se për dallim prej takimit të shkurtër me Trupin gjatë javës së kaluar, Vuçiqit në një rast i ishte dashur të presë “për më shumë se një orë e gjysmë për ta pranuar” presidenti i Rusisë, Vladimir Putin.

“Ky president nuk e ka dhënë as edhe një fjalë të vetme të keqe kundër Rusisë, madje as në atë vend (Shtëpinë e Bardhë)”, ka thënë Gjuriqi.

Mirëpo pas bisedës në telefon, Lavrov është munduar të qetësojë gjakrat duke thënë se interesat e Rusisë nuk janë prekur, deri ka thënë se Vucic i është sqaruar për marrëveshjen në Uashington.

Ai ka shtuar se Serbia gjithmonë do ta ketë mbështetjen e Rusisë. /Express/