Roberto Jose Carmona, një kriminel dhe vrasës nga Argjentina, u arratis nga shtëpia e së dashurës së tij në lagjen “Las Violetas”, derisa rojet po ndiqnin ndeshjen gjysmëfinale mes Argjentinës dhe Kroacisë në Kupën e Botës.

Pati një arratisje filmike, gjatë së cilës ai vrau një shofer taksie dhe plagosi disa të tjerë, por në fund përfundoi në prangat e policisë, shkruan FrontOnline.

Carmona ishte në pushim të përkohshëm dhe përfitoi nga fati që i gjithë vendi po e shikonte ndeshjen gjysmëfinale Argjentinë – Kroaci duke u larguar nga shtëpia.

Këtë, ai e bëri ani pse po vëzhgohej nga gjashtë gardianë në burgun ku ai po e vuan dënimin.

Ai doli nga shtëpia dhe u tha rojeve se duhej të shkonte në toalet në minutën e 15-të të ndeshjes.

Vrasësi famëkeq më pas hipi në taksi, vrau shoferin, të cilin e masakroi me thikë dhe më pas plagosi dy persona tjerë.

Gjashtë anëtarët e shërbimit të burgut janë poashtu prapa grilave pasi dyshohet se bashkëpunuan me kriminelin./FrontOnline/