Kryeprokurori i Pejës, Agim Kurmehaj është deklaruar rreth rastit të vrasjes së rëndë të një gruaje në Pejë. Ai tha se lidhur me rastin është arrestuar një person e që dyshohet se është bashkëshorti i viktimës.
Tutje Kurmehaj konfirmoi se rasti ka ndodhur në një banesë, teksa shtoi se çifti kishin tre fëmijë.
“Dyshimet e para janë që rasti ka ndodhur në një banesë në Pejë dhe se dorasi është bashkëshorti. Ai është arrestuar dhe është intervistuar në stacionin policor. Jemi duke i konfirmuar të gjitha hetimet dhe më vonë do të dalim me informacione zyrtare. Ajo çfarë dimë deri më tani është se çifti i kanë tre fëmijë, ndërsa se a kanë qenë vetëm në banesë apo si, do të konfirmojmë më vonë pasi të jenë kryer të gjitha hetimet”, tha ai për Express.