Shkencëtarët australianë thonë se kanë krijuar një pajisje e cila ofron internetin më të shpejtë të regjistruar ndonjëherë – i cili i lejon përdoruesit të shkarkojnë 1,000 filma HD brenda një sekonde.
Ky internet u jep përdoruesve shpejtësi prej 44.2 tbps (terabajt për sekond), dhe nëse nuk e dini se çfarë janë terabajtët, është 1 milion herë më shpejtë sesa interneti më i mirë aktualisht.
Sipas Independent, ekipi nga universitetet australiane – Monash, Swinburne dhe RMIT – përdorën një mikroçip optik i cili përmban qindra laserë me rreze infra të kuqe për të transferuar të dhëna përreth një infrastrukture ekzistuese komunikimi në Melbourne.
Image
Hulumtimi u udhëhoq nga Dr. Bill Corcoran i Universitetit Monash, profesori Arnan Mitchel i RMIT dhe profesori David Moss nga Swinburne. Mitchell shpjegoi se qëllimi i projektit ishte të rritej fuqia transmetuese nga qindra gigabajt për sekondë, në dhjetëra terabajt për sekondë pa e rritur madhësinë, peshën ose koston.
