Kryetari i Odës Ekonomike të Kosovës, Lulzim Rafuna do të marrë pjesë në takimin e Bordit të Forumit Investiv të Odave të Ballkanit Perëndimor.
Ky takim do të mbahet sot në Shkup, e të cilin e kryeson Oda Ekonomike e Kosovës.
Në takim do të diskutohet për përparimin e bizneseve të Ballkanit Perëndimor drejt tregut të përbashkët të BE-së.
Delegacioni i OEK do të takohet edhe me përfaqësuesit e Odës Ekonomike të Serbisë, për të diskutuar për pengesat që bizneset e Kosovës kanë.
Njoftimi i plotë:
Kryetari i Odës Ekonomike të Kosovës, z. Lulzim Rafuna, do të marrë pjesë në takimin e radhës të Bordit të Forumit Investiv të Odave (FIO) të Ballkanit Perëndimor, e të cilin e kryeson Oda Ekonomike e Kosovës, që do të mbahet në Shkup, Maqedoni e Veriut, të mërkurën, më 29 mars.
Në kuadër të takimit të Bordit të FIO, do të zhvillohet një takim i Platformës së Biznesit ËB6-BE (Ballkani Perëndimor – BE) e në të cilin do të diskutohet për përparimin e bizneseve të Ballkanit Perëndimor drejt tregut të përbashkët të BE-së.
Në të dyja këto takime, kryetari Rafuna do të ketë fjalë rasti e në të cilat do të flasë për rolin e FIO në tejkalimin e barrierave në mes të vendeve dhe përparimin në procesin integrues drejt BE-së. Në margjina të këtyre takimeve që do të mbahen në Shkup, delegacioni i Odës Ekonomike të Kosovës do të takohet me përfaqësuesit e Odës Ekonomike të Serbisë, për të diskutuar për pengesat që bizneset e Kosovës, si dhe për të kërkuar zgjidhje ashtu që të eleminohen këto pengesa.
Forumi Investiv i Odave të Ballkanit Perëndimor (Ëestern Balkan 6 Chambers Investment Forum – ËB6CIF) është themeluar në vitin 2017 si pjesë e nismës së Procesit të Berlinit dhe synon të bëjë bashkë bizneset e Ballkanit Perëndimor në procesin e transformimit drejt tregut të përbashkët të BE-së. Oda Ekonomike e Kosovës ka marrë kryesimin e radhës të këtij Forumi në shkurt të vitit 2023.