Kosto e lartë për qiratë e institucioneve publike, ekspertët thonë se duhet zgjidhje afatgjate.

Në të trajtohen krimet më të rënda.

Por, ata që duan t’i drejtohen Prokurorisë Speciale të vendit, tani këtë duhet ta bëjnë në një lokacion tjetër.

Kjo për shkak, së nga objekti ku qëndruan deri me tani, kjo prokurori pritet të kalojë në një objekt tjetër me qira.

Por, sipas kryeprokurorit të kësaj prokurorie, Blerim Isufaj, largimi nga këtu, do të jetë i përkohshëm.

Deri në renovimin e këtij objekti, PSRK do të qëndroje në kompleksin Ramiz Sadiku në  Prishtinë.

T7 ka pyetur në Këshillin Prokurorial të vendit, për koston mujore që kjo prokurori do ta paguaj për qëndrimin këtu.

Por, për këto detaje, nuk kanë kthyer një përgjigje.

Ndërkohë, nuk është vetëm Prokuroria Speciale, ajo që do të paguaj qira për shfrytëzimin e objekteve private.

Një ndër to, është Ministria e Bujqësisë, që paguan rreth 65 mijë euro qira mujore, për shfrytëzimin e hapësirave të objektit tek ndërtesa e “Ramiz Sadiku”

Ndërsa kjo, sipas Besnik Boletinit nga organizata “Çohu”, mund të ndodh për dy arsye.

Sipas Boletinit, është e pakuptimtë që deri më tani, nuk është bërë një zgjidhje afatgjate për këtë problem.

Ndërkohë, eksperti i ekonomisë, Musafë Kadrijaj, thotë do duhej të ishte e kundërta e këtij fenomeni.

E kjo sipas Kadrijajt, përveç që po e dëmton buxhetin, edhe po përdoret për t’i kthyer favoret politike.

Për detaje më shumë rreth institucioneve publike që janë me qira në objektet private, T7 ka pyetur edhe në Ministrinë e Punëve të Brendshme dhe Administratës Publike.

Por, pavarësisht pritjes, këta nuk kanë kthyer një përgjigje.