×
  • Lajme
  • Lajme

    Kosova aktualisht ka rreth 10 mijë teste për Covid-19

    FrontOnline
    15 Qershor 2020

    Instituti Kombëtar i Shëndetësisë Publike në Kosovë aktualisht ka në dispozicion rreth 10 mijë teste për sëmundjen, Covid-19, që shkakton koronavirusi i ri, ka thënë Faik Hoti, zëdhënës i Ministrisë së Shëndetësisë.

    Sipas tij, gjatë kësaj jave në Kosovë pritet të arrijnë edhe 10 mijë teste të tjera, ku rreth 6,500 prej tyre janë donacion nga Katari, derisa pjesa tjetër e testeve do të sigurohet nga kontraktorët e mëparshëm, e që kryesisht janë dërgesa nga Shtetet e Bashkuara të Amerikës, Gjermania dhe Anglia.

    “Instituti Kombëtar ka rreth 10 mije teste ne dispozicion, pra mjaftueshëm për të testuar personat me indikacione për testim, kontaktet e rasteve pozitive dhe të dyshuarit e hospitalizuar në Klinikën Infektive’’, tha Hoti.

    Vetëm tre ditët e fundit janë konfirmuar 160 raste të reja me koronavirus, nga 805 persona të testuar.

    Megjithëkëtë, vetë Ministri i Shëndetësisë, Armend Zemaj, gjatë javës së kaluar (11 qershor), në Kuvendin e Kosovës, deklaroi se mungojnë teste në masë të madhe, duke shtuar se kjo ka qenë shqetësuese për të. Po të njëjtën ditë, ministria e Zemajt raportoi se diaspora kosovare i ka dorëzuar Institutit të Shëndetit Publik të Kosovës 12,000 teste.

    Duke komentuar deklaratat e ministrit të tij, zëdhënësi Hoti deklaroi se Zemaj ka dashur të tërheqë vëmendjen për nevojën që Kosova të ketë sa më shumë teste në dispozicion për të testuar sa më shumë persona.

    Testi PCR [Polymerase Chain Reaction] i cili aktualisht realizohet në Kosovë, përcakton nëse virusi është aktiv, duke analizuar strishot nga hunda dhe fyti.

    Deri më 14 qershor, në Kosovë janë testuar gjithsej 18,512 persona, kryesisht kontakte të rasteve, dhe prej tyre 1,486 kanë rezultuar pozitivë në Covid-19. Vetëm tre ditët e fundit janë konfirmuar 160 raste të reja me koronavirus, nga 805 persona të testuar.

    Po bëhen çdo ditë teste në bazë të indikacioneve epidemiologjike dhe asnjë qytetar nuk do të mbetet pa u testuar në bazë të simptomave

    Që nga fillimi i pandemisë në Kosovë kanë vdekur 33 persona me këtë virus.

    Sipas Institutit Kombëtar të Shëndetit Publik (IKSHP), në javën e fundit janë shfaqur raste pozitive edhe në mesin e punonjësve në institucione publike dhe private, agjencione, kompani tregtare dhe biznese private.

    Kryeministri i Kosovës, Avdullah Hoti ka thënë të premten, në një prononcim për media, se situata është alarmante, dhe se nëse nuk respektohen masat, atëherë autoritetet do të detyrohen t’i kthejnë masat kundër Covid-19, të cilat u liruan dy javë më parë.

    Drejtori i IKSHP-së, Naser Ramadani ditë më parë ka thënë se ky Institut ka dhe po bën mjaftueshëm teste.

    “Po bëhen çdo ditë teste në bazë të indikacioneve epidemiologjike dhe asnjë qytetar nuk do të mbetet pa u testuar në bazë të simptomave”, tha Ramadani.

    Numri më i lartë i testeve ditore që është bërë në Kosovë ka qenë rreth 400 sosh.

    Shqipëria me numrin më të vogël te testimeve për kokë banori në rajon

    Zëdhënësi, Faik Hoti ndërkohë tha se janë duke e shqyrtuar mundësinë e bërjes së testeve serologjike. Testet serologjike, janë ato teste në bazë të të cilave mund të vërtetohet nëse një person e ka pasur koronavirusin. Për dallim nga testet që i ka bërë Instituti Kombëtar i Shëndetit Publik deri tash me strisho, të hundës ose gojës, testi serologjik bëhet përmes mostrave të gjakut.

    Testet e tilla janë të rëndësishme për të përcaktuar shkallën e imunitetit ndaj sëmundjes COVID-19, posaçërisht te personat që nuk kanë shfaqur simptoma.

    “Si ministri po mendojmë që në të ardhmen të bëjmë edhe teste serologjike, por kjo është menduar të bëhet pasi të kalojë situata aktuale me shumë raste’’, tha Hoti.

    Sipas worldometers.info, një uebfaqe që transmeton shifrat e fundit mbi koronavirusin në kohë reale, Shqipëria deri më 14 qershor ka realizuar 6,341 teste për një milion banorë, Serbia 34,665 teste gjithashtu për një milion banorë, Maqedonia e Veriut 20,659, dhe Mali i Zi 20,995 për një milion banorë. Në atë faqe nuk ka të dhëna për Kosovën, por sipas dhënave të fundit nga IKSHP, del që në Kosovë deri me tash janë bërë 10,309 teste për një milion banorë./REL/

    Juliana: E kuptoj që e kam lëndu djalin dhe e marr mbi supet e mia këtë (VIDEO)
    Nga Rubrika
    Kronika20 Shkurt 2024
    Një aksident trafiku ka ndodhur në magjistralen Gjilan-Prishtinë, konkretisht në fshatin Slivovë. Nga fotot që ka siguruar Radio Star, shihet se përplasja...
    Lajme20 Shkurt 2024
    Ish-ministri i Punëve të Jashtme, nënkryetari i Kuvendit të Kosovës, Enver Hoxhaj, ka shkruar në “Facebook” për 35-vjetorin e grevës së minatorëve...
    Lajme20 Shkurt 2024
    Kryetari i LDK-së, Lumir Abdixhiku, e ka uruar Sibel Halimin për emërimin e saj në pozitën e Drejtoreshës së Kulturës në Komunën...
    Të tjera
    Lajme20 Shkurt 2024
    Me ftesë nga USAREUR-AF, kontingjenti i FSK-së, i dislokuar në Polatli të Republikës së Turqisë, ka përfunduar me sukses stërvitjen “Dynamic Front...
    Lajme20 Shkurt 2024
    Në mëngjesin e sotëm, nxënëset e shkollës Model “Qamil Batalli” në Prishtinë, filluan vaksinimin me vaksinën Human Papilloma Virus (HPV). Vaksina HPV...
    Sport20 Shkurt 2024
    Albin Berisha është një prej futbollistëve që u transferua nga Superliga e Kosovës në Rumani. Ish-sulmuesi i Ballkanit në fillim të këtij...
    Lajme20 Shkurt 2024
    Ministrja e Ekonomisë, Artane Rizvanolli, vlerëson se Republika e Kosovës sot gëzon lirinë e demokracinë sepse minatorët e Trepçës i mbrojtën ato...
    Bota/Rajoni20 Shkurt 2024
    Delegacioni shqiptar i kryesuar nga Kryeministri Edi Rama po viziton Turqinë për takimin e Këshillit Strategjik të Nivelit të Lartë mes dy...
    Lajme20 Shkurt 2024
    Kryeministri i Shqipërisë, Edi Rama, ka përmendur tre momente që sipas tij Turqia dhe presidenti i saj, Recep Tayyip Erdogan,  nuk do...

    FrontOnline, © 2024 Të gjitha të drejtat e rezervuara.