Në orët e para të mëngjesit të së enjtes, policia ka zhvilluar një aksion në vende të ndryshme të Kosovës lidhur me përfshirjen në veprimtari kriminale, raporton Front Online.

Ky aksion është vazhdimësi e operacionit të zhvilluar më 18 Shtator 2020, në zonën e Karaçevës dhe rajone tjera të Kosovës, për shkak të dyshimit të përfshirjes në veprimtari kriminale.

Lidhur më këtë nga Komuna e Kamenicës shkurt për Front Online, kanë thënë se janë të njoftuar me aksionin që është zhvilluar, por nuk kanë dhënë detaje tjera se për çfarë bëhet fjalë.

“Ne si komunë jemi të njoftuar për aksionin e zhvilluar në Karaçevë nga institucionet e sigurisë, por lidhur me veprimtaritë për të cilat po hetojnë, nuk janë në mandatin dhe kompetencat tona”, thuhet në përgjigjen e zyres për media të Komunës së Kamenicës./Front Online/