Komuna e Gjilanit ka njoftuar se mbi 8 milionë euro ka pasur rritje të buxhetit në vitin 2023 në krahasim me vitin paraprak.
Në njoftim thuhet se derisa burime kryesore të të hyrave ishin nga tatimi në pronë, lejet ndërtimore, gjeodezia e sektorë të tjerë.
Drejtoresha për Buxhet dhe Financa e komunës së Gjilanit, Herolinda Murati Leka, tha se buxheti në planifikimin fillestar për vitin 2023 ishte 32 milionë e 599 mijë e 280.87 euro, ndërsa përfundimtari ishte 37 milionë e 495 mijë e 73.20 euro.
Sipas saj, buxheti i shpenzuar ishte 34 milionë e 111 mijë e 198.06 euro.
“Po të shohim trendin nga analiza krahasimore mes vitit 2022-2023 do të vijmë në përfundim se kemi rritje të buxhetit për 8 milionë e 250 mijë e 265.49 euro, apo 28.2 për qind më shumë se në vitin 2022”, tha Herolinda Murati Leka, thuhet në njoftimin e komunës së Gjilanit në rrjetin social “Facebook”.
Sipas këtij njoftimi, drejtoresha për Buxhet dhe Financa ka theksuar se më 2022 buxheti përfundimtar ishte 29 milionë e 244 mijë e 807.71 euro.
Ajo tregoi se realizimi i të hyrave më 2023 ishte 7 milionë e 469 mijë e 825.73 euro.
Herolinda Murati Leka theksoi se burimi kryesor i të hyrave ishte nga tatimi në pronë e ku janë realizuar 3 milionë e 88 mijë e 495.14 derisa ishin të planifikuar 2 milionë e 938 mijë e 283 euro.
“Burime të rëndësishme të realizimit të të hyrave vetjake të komunës për vitin 2023 ishin edhe nga lejet ndërtimore, gjeodezia e sektorë të tjerë”, tha drejtoresha për Buxhet dhe Financa, thuhet në njoftimin e komunës.