Në pikën kufitare “Dheu i Bardhë” në mëngjesin e sotëm janë regjistruar kolona të gjata deri në 4 kilometra, raporton Front Online.

Arsye për këtë janë kontrollet mjekësore që po bëhen për Covid-19 për qytetarët që po ia mësyjnë Kosovës.

Në mesin e veturave, për të hyrë në territorin e Kosovës janë edhe vetura të mërgimtarëve që jetojnë në diasporë.

Disa shoferë i kanë thënë Front Online se në kufirin për të hyrë në Kosovë, atyre po u kërkohen t’i kenë maskat dhe dorezat, si masa parandaluese për përhapjen e coronavirusit.

Front Online ka siguruar fotografi nga kjo pikë kufitare. /FrontOnline/