×
  • Lajme
  • Lajme

    KMDLNJ: MSH po e luan avokatin e një laboratori privat që ka monopol

    FrontOnline
    30 Gusht 2020

    Këshilli për Mbrojtjen e të Drejtave dhe Lirive të Njeriut ka reaguar pas raportimeve se në laboratorin privat “Medical & Laboratory Services” një test PCR po iu kushton qytetarëve 200 euro

    Përmes një komunikate për media, KMDLNj thotë se testet për COVID-19 janë përgjegjësi e shtetit.

    Sipas KMDLNj AKK , ditë më parë, në një konferencë për media doli me një konstatim e që ishte më tepër lavdërim se laboratoret private të licencuara ( 118 ) është numri i tyre po punojnë si është më së miri në ndërkohë që KMDLNj-së janë ankuar qytetarët se çmimet janë të larta dhe se duhet bërë disa analiza që janë të kushtueshme e që mbase nuk duhet të bëhen të gjitha.

    “AKK vetëm sa nuk i propozoi presidentit Thaçi që laboratoret e licencuara private të dekorohen me Çmimin për Humanizëm. Tash po del se një laborator privat, për një test ka marrë 200 euro e që është çmim i lartë edhe për Klinikën Mayo e lëre më për një laborator privat që është licencuar shpejt dhe të cilit i është dhënë monopoli 100% në Kosovë”, thuhet në reagimin e tyre.

    KMDLNj thotë se MSH’ja duhet të nisë hetimet për këtë rast, e jo ta luajë avokatin e laboratorit duke e arsyetuar çmimin e lartë.

    Në vend se Ministria e Shëndetësisë të kërkojë hetime për këtë çmim, ajo në fakt e luan rolin e Avokatit të këtij laboratori duke e arsyetuar çmimin me kohën e shkurtër të analizës dhe rezultateve. Ky veprim i Ministrisë së Shëndetësisë përveç se është konflikt i pastër interesti, në të njëjtën kohë është i liruar nga çdo skrupull, moral, profesional dhe institucional. Ministria e Shëndetësisë është e detyruar të krijojë politika për mbrojtjen e shëndetit publik të qytetarëve e jo të mbrojë intereset e laboratoreve private që janë licencuar , pa siguruar asnjë transparencë , pa një mbikëqyrje efektive të punës së tyre dhe pa ofruar fare llogaridhënie”, thuhet në reagim.

    “Që nga shpërthimi i pandemisë së shkaktuar nga COVID-19, Qeveria e Kosovës ka ndarë mjete të konsiderueshme nga Buxheti i Kosovës, si për ministrinë e udhëhequr nga ministri Vitia ashtu edhe nga ministria e udhëhequr nga ministri Zemaj sikur që ka pasur shumë donacione ndërkombëtare , në para dhe materiale shëndetësore por se situata vetëm sa është përkeqësuar, është rritur shumë numri i të infektuarve e sidomos atyre që kanë përfunduar me fatalitet”

    “Ministria e Shëndetësisë, në vend se të rrisë numrin e testeve e që do të kontribuonte në menaxhimin më të mirë të pandemisë sikur edhe do të kursente qytetarët e Kosovës nga shpenzimet që janë përgjegjësi e Shtetit, duke e mbajtur numrin e testimeve afërsisht 450-500 e kohëve të fundit edhe duke e ulur këtë numër i detyron qytetarët e Kosovës të shkojnë në laboratoret private që ia bëjnë si të duan dhe çka të duan”

    “KMDLNj ka informata se ka gatishmëri të një përkrahjeje ndërkombëtare në mënyrë që numri i testimeve të rritet në 5000 – 6000 testime në ditë, të bëhen falas por se pret kundërshtim në realizimin e këtij projekti nga grupet e interesit që nuk kanë interes të fuqizohet shëndetësia publike”, thuhet në reagimin e KMDLNj’së.

    Nga Rubrika
    Lajme19 Mars 2025
    “Ka kaluar koha kur Kroacia e pyeste Beogradin se çfarë i lejohej të bënte dhe si duhej ta bënte, dhe kjo nuk...
    Lajme19 Mars 2025
    Eugen Cakolli nga DnV ka reaguar lidhur me vendimet e PZAP-së për ankesat e subjekteve politike, i cili tha se ankesat nuk...
    Lajme19 Mars 2025
    Policia e Kosovës  ka arrestuar një person të dyshuar për falsifikim parash. Sipas një njoftimi të Policisë së Kryeqytetit, i dyshuari ka...
    Të tjera
    Bota/Rajoni19 Mars 2025
    Kryeministri Edi Rama ka komentuar listat e kandidatëve për deputetë të Partisë Socialiste, duke theksuar se përfshijnë edhe persona që dikur kanë...
    Lajme19 Mars 2025
    Kryetari i Kuvendit, Glauk Konjufca, ishte për të pamen në familjen Thaçi. Konjufca ka shkruar edhe në librin e zisë. Aty e...
    Lajme19 Mars 2025
    11 trupa të personave të zhdukur janë gjetur në varrezën masive në Bishtazhin. Këto viktima më 2 prill 1999, bashkë me qindra...
    Sport19 Mars 2025
    Futbollisti i Kosovës, Milot Rashica, ka folur në konferencën për shtyp para ndeshjes së play-offit në Ligën e Kombeve kundër Islandës, duke...
    Bota/Rajoni19 Mars 2025
    Qeveria gjermane në largim është dakorduar për t’i dhënë këtë vit Ukrainës ndihma shtesë ushtarake mbi 3 miliardë euro, pasi ligjvënësit kanë...
    Lajme19 Mars 2025
    Një 26-vjeçari me inicialet E.G. i është shqiptuar gjobë prej 150 eurove, një pikë negative dhe masa e pezullimit të patentë-shoferit për...
    -->

    FrontOnline, © 2025 Të gjitha të drejtat e rezervuara.