Hulumtime

Këta janë sektorët ku pastrohen paratë në Ballkan, 2 miliardë € korrupsioni në prokurim publik

Këta janë sektorët ku pastrohen paratë në Ballkan, 2 miliardë € korrupsioni në prokurim publik
17:00 | 14 Maj 2021

Rreth 7 miliardë € shpenzohen brenda vitit në aktivitete të prokurimit publik në vendet e Ballkanit Perëndimor, prej të cilave rreth 2 miliardë euro “avullohen” për shkak të korrupsionit.

Kështu thuhet në raportin e fundit të Iniciativës Globale Kundër Krimit të Organizuar Ndërkombëtar që është botuar ditë më parë me titull: Analiza e flukseve të njerëzve, drogës dhe parave në Ballkanin Perëndimor.

Sipas këtij raporti, të ardhurat nga korrupsioni tentohet të pastrohen në ekonominë legale.

“Pastrimi i parave në shuma më të vogla të të ardhurave të paligjshme shpesh nis me bizneset që përdorin para të gatshme si: Baret dhe restoranet, pikat e karburanteve dhe kompanitë e taksive.

Këto të fundit janë një mjet i popullarizuar për pastrim të parave në Ballkanin Perëndimor”, bëhet e ditur në këtë raport transmeton Front Online.

Sa i përket mundësisë së pastrimit të parave nga kompanitë e taksive, sipas raportit, kjo ndodhë pasi që është e pamundur të matet me saktësi nga autoritetet numri i udhëtarëve që transportohet në baza mujore dhe vjetore.

“Kompanitë e taksive mund të deklarojnë se që kanë transportuar më shumë pasagjerë se sa që bëjnë realisht, për të cilën gjë paguajnë edhe taksa dhe në këtë mënyrë me lehtësi pastrojnë para”, potencohet në raport.

Këtu përmenden edhe statistika të numrit të madh të bizneseve të regjistruara në Kosovë që kryejnë shërbime të autotaksive, ku nga 160 mijë biznese sa janë gjithsej të regjistruara në Ministrinë e Tregtisë dhe Industrisë në Kosovë, më shumë se 11 mijë biznese kryejnë shërbime të autotaksive në vend.

Përderisa shumë kompani të tilla kanë në shfrytëzim markat më të reja të veturave për transport të pasagjerëve.

Përpos sektorëve të lartëpërmendur, pastrimi i parave bëhet edhe në ndërtim dhe patundshmëri, në të cilin sektor kanë qarkulluar miliarda euro, ku janë involvuar edhe familjarë të elitës politike në Kosovë./Front Online/

 

Kush ështe kosovari THE VICTOR që synon tregun e jashtëm? (video)

Të tjera